جوبا «ياسسى» بپۇ قايتىمدى جارناسىنىڭ 20% ەسەبىنەن جانە وبلىستىق جاس دەپۋتاتتار كورپۋسىنىڭ قولداۋىمەن جۇزەگە اسىرىلدى.«AMANAT» پارتياسى تۇركىستان وبلىستىق فيليالى جانىنداعى جاستار قاناتىنىڭ ءتوراعاسى جانسەرىك جۇماننىڭ ايتۋىنشا جارىسقا 10-11 سىنىپ وقۋشىلارى قاتىسىپ، ءىى كەزەڭ بويىنشا ىرىكتەۋدەن ءوتتى.
سپورتتىق سايىستارعا اسكەر الدى دايىندىقتان ۇزدىك دەپ تانىلعان 6 اۋدانداعى 11 مەكتەپتەن وقۋشىلار كەلدى. ءار مەكتەپ قۇرامىندا 3 ۇل، 2 قىزدان ب ا ق سىناستى.ءبىرىنشى كەزەڭ «تۇركىستان ارەنا» ستاديونىندا وتكىزىلىپ، ۇلدار اراسىندا 3000 مەتر قاشىقتىققا، ال قىزدار اراسىندا 1000 مەترگە جۇگىرۋ بويىنشا جارىس بولدى. كەلەسى ىرىكتەۋ كەزەڭى «OLIMPIC» ورتالىعىندا ۇيىمداستىرىلىپ، قاتىسۋشىلار سۋ سپورتىنان جارىستى.
ىرىكتەۋدىڭ قوس كەزەڭىنىڭ قورىتىندىسى كەلەسىدەي:
ءى ورىن: كەنتاۋ قالاسى، م.قاشقاري اتىنداعى جوم؛
ءىى ورىن: سارىاعاش اۋدانى، №75 ج.جابايەۆ اتىنداعى جوم؛
ءىىى ورىن: ساۋران اۋدانى، ا.يۋگناكي اتىنداعى جببم؛
ايماقتىق ىرىكتەۋ كەزەڭىنىڭ جەڭىمپازدارى الماتى قالاسىندا مامىر ايىنىڭ 3-6 كۇندەرى ارالىعىندا وتەتىن رەسپۋبليكالىق تۋرنيردە تۇركىستان وبلىسىنىڭ نامىسىن قورعايتىن بولادى.
