Joba «Iassy» BPU qaitymdy jarnasynyń 20% esebinen jáne oblystyq jas depýtattar korpýsynyń qoldaýymen júzege asyryldy.«AMANAT» partiiasy Túrkistan oblystyq filialy janyndaǵy jastar qanatynyń tóraǵasy Janserik Jumannyń aitýynsha jarysqa 10-11 synyp oqýshylary qatysyp, II kezeń boiynsha irikteýden ótti.
Sporttyq saiystarǵa ásker aldy daiyndyqtan úzdik dep tanylǵan 6 aýdandaǵy 11 mektepten oqýshylar keldi. Ár mektep quramynda 3 ul, 2 qyzdan baq synasty.Birinshi kezeń «Túrkistan Arena» stadionynda ótkizilip, uldar arasynda 3000 metr qashyqtyqqa, al qyzdar arasynda 1000 metrge júgirý boiynsha jarys boldy. Kelesi irikteý kezeńi «OLIMPIC» ortalyǵynda uiymdastyrylyp, qatysýshylar sý sportynan jarysty.
I oryn: Kentaý qalasy, M.Qashqari atyndaǵy JOM;
II oryn: Saryaǵash aýdany, №75 J.Jabaev atyndaǵy JOM;
III oryn: Saýran aýdany, A.Iýgnaki atyndaǵy JBBM;
Aimaqtyq irikteý kezeńiniń jeńimpazdary Almaty qalasynda mamyr aiynyń 3-6 kúnderi aralyǵynda ótetin respýblikalyq týrnirde Túrkistan oblysynyń namysyn qorǵaityn bolady.
