تاريحي دراما رەپرەسسياعا ۇشىراعان تاريحشى ەرمۇحان بەكماحانوۆتىڭ تاعدىرىنا ارنالادى. ەرمۇحان بەكماحانوۆ كەنەسارى قاسىموۆ باستاعان ۇلت-ازاتتىق قوزعالىس جايلى عىلىمي تۇجىرىمدامالار جاساعان.
ايتا كەتەيىك، قازاقستان 1992 جىلى العاش رەت "وسكارعا" فيلم ۇسىنعان بولاتىن. وسىلايشا 2006 جىلدان بەرى جىل سايىن "وسكارعا" فيلم ۇسىنىلىپ وتىرادى.
ەسكە سالا كەتەيىك، "قازاقفيلم" ستۋدياسىنىڭ "امانات" كارتيناسى 2016 جىلدىڭ 19 مامىرىندا پروكاتقا شىققان بولاتىن. رەپرەسسياعا ۇشىراعان تاريحشى بەكماحانوۆ جايلى ءفيلمنىڭ تانىستىرىلىمى دا ءوتتى. سيۋجەت بويىنشا - ءۇش جەلى مەن ءۇش كەيىپكەر - كەنەسارى، ەرمۇحان جانە رامازان - ءارقايسىسى ويدى وزدىگىنەن جەتكىزگىسى كەلەدى. رەجيسسەردىڭ ايتۋىنشا، سەناريستەردىڭ جوباسى بويىنشا، وتپەلى جەلى - ءار كەيىپكەردىڭ ۇلتتىڭ بوستاندىعى مەن تاۋەلسىزدىگىنە دەگەن مۇراتى. حاليمانىڭ رولىندە قارلىعاش مۇحامەدجانوۆا جانە ەرمۇحان بەكماحانوۆتىڭ رولىندە بەرىك ايتجانوۆ. اكتەرلەر سانجار مادييەۆ پەن قارلىعاش مۇحامەدجانوۆا باسپا ءسوز ءماسليحاتىندا ءتۇسىرىلىم الدىندا تاريحي دەرەكتەرمەن تانىسىپ شىققانىن ايتىپ بەردى. مادييەۆ بولسا باستى رولگە تاڭدالعان كەزىندە كەنەسارىنىڭ رولىندە ويناۋعا رۇقسات سۇراۋ ءۇشىن مەشىتكە دە بارىپتى.
