Digital Almaty فورۋمى اياسىنداعى وزىق سيفرلىق جوبالار كورمەسىندە سيفرلاندىرۋ سالاسىنداعى وتاندىق جەتىستىكتەر ۇسىنىلدى، دەپ حابارلايدى Dalanews.kz.
ءىس-شارا بارىسىندا «ياندەكس قازاقستان» كومپانياسىنىڭ وكىلى الەكساندر پوپوۆسكيي ۇكىمەت باسشىلارىنا قازاقستاندا ادامدار مەن بيزنەس ءۇشىن 10-نان استام سەرۆيس جۇمىس ىستەيتىنىن ايتتى.
«ءبىز ءوز قىزمەتتەرىمىزدى بارلىعىنا قولجەتىمدى ەتۋگە تىرىسامىز. 2023 جىلى ءبىز قازاق تىلىندەگى «كارتا»، ءموبيلدى براۋزەردە جانە قوسىمشادا قازاق تىلىندەگى «اليسا» سەرۆيسىن جاساپ، ياندەكس براۋزەرىندە ۆيدەونى قازاقشاعا اۋدارىپ، سونداي-اق ىزدەۋ قىزمەتىندە قازاق تىلىندە جىلدام جاۋاپتار ازىرلەدىك. مۇنىڭ ءبارى اقپاراتتى قازاقستاندىق پايدالانۋشىلار ءۇشىن قولجەتىمدى ءارى ىڭعايلى ەتىپ، مەملەكەتتىك ءتىلدىڭ تارالۋىنا ىقپال ەتەدى»، — دەدى ول.
Digital Almaty فورۋمىندا ۇزدىك قازاقستاندىق IT-كومپانيالار مەن ستارتاپتار ءوز جوبالارىن تانىستىردى.
