بٷگٸن شاريعات جەنە پەتۋا بٶلٸم باسشىسىنىڭ ورىنباسارى سانسىزباي قۇربانۇلى, قمدب بٶلٸم باسشىلارى – باقتىباي بەيسەنباەۆ («دٸني بٸلٸم جەنە عىلىم»), بەيبٸت مىرزاگەلديەۆ («حالال ستاندارتتاۋ»), التىنبەك ۇتىسحانۇلى («جالپى جەنە جاستار»), جەندٸللا بەكجٸگٸتوۆ («مەشٸت ٸستەرٸ»), اعابەك قوناربايۇلى («باسپاسٶز») تٷركييا دٸن ٸستەرٸ مينيسترلٸگٸنٸڭ دٸني وقۋ-اعارتۋ ديرەكتسيياسىنىڭ باس ديرەكتورى ەلي ەرباش مىرزانىڭ قابىلداۋىندا بولدى. باس ديرەكتور ديرەكتسييانىڭ جۇمىسىن جان-جاقتى بايانداي كەلە جۋىردا عانا ٶزٸ كۋەگەر بولعان وقيعانى بايانداپ بەردٸ:
– بەلەسٸزدەر, بٸزدٸڭ ەلدەگٸ حالىقارالىق «حاسەكي» اكادەميياسىندا شەتەلدەن كەلگەن ستۋدەنتتەر دە وقيدى. ونىڭ ٸشٸندە قازاقستاننان كەلگەن يمامدار مەن مەدرەسە شەكٸرتتەرٸ بار. مەنٸ تاڭقالدىرعانى – قازاقتاردىڭ العىرلىعى. ەمتيحان الۋ كەزٸندە وسىعان كٶزٸم جەتتٸ. ولار سىناق تاپسىرۋ سەتٸندە قۇران تەپسٸرٸ مەن تٷسٸندٸرمەسٸن قازاقشا مٷدٸرمەي جاۋاپ بەردٸ. سىناپ كٶرەيٸن دەپ, ەدەيٸ تٷرٸك تٸلٸندە سۇراق قويدىم. تٷرٸكشە ەركٸن جاۋاپ بەردٸ. ارالارىندا ارابشانى دا جاقسى بٸلەتٸندەر بار. قازاق جٸگٸتتەرٸنٸڭ العىرلىعىنا بٸرٸنشٸدەن – تاڭقالدىم, ەكٸنشٸدەن قاتتى قۋاندىم. ولارعا: «سٸزدەردٸڭ بولاشاقتارىڭىز زور. دٸني سالادا ٷلكەن جەتٸستٸكتەرگە جەتەتٸندەرٸڭٸزگە مەن سەنٸمدٸمٸن» دەدٸم. بٸز تٷبٸمٸز بٸر, تەلٸگٸمٸز بٸر قازاق باۋىرلارىمىزعا قامقورلىق جاساۋعا ەردايىم دايىنبىز, – دەپ اعىنان جارىلدى ەلي ەرباش مىرزا.
قمدب اپپارات باسشىسى عىلىمبەك جەدٸگەرۇلى تٷركييالىق ەرٸپتەستەرگە قازاقستان مۇسىلماندارى اتىنان العىس ايتىپ, جىلى لەبٸزٸن بٸلدٸردٸ.
ايتا كەتەيٸك, «حاسەكي» اكادەميياسى – دٸني سالادا عىلىمي دەرەجەسٸ بار, دوكتورلىق قورعاعان عالىمداردى عانا وقىتاتىن حالىقارالىق وقۋ ورنى. الايدا, باس مٷفتي ەرجان قاجى مالعاجىۇلىنىڭ ٶتٸنٸشٸ بويىنشا, تٷركييا دٸن ٸستەرٸ مينيسترلٸگٸنٸڭ تٶراعاسى, پروفەسسور مەحمەت گٶرمەز مەدرەسە بٸتٸرگەن قازاقستاندىق شەكٸرتتەر مەن دٸني قىزمەتتە جٷرگەن يمامداردى «حاسەكيگە» قابىلداۋعا كەلٸسٸم بەرگەن بولاتىن.
«مەنەن جاس بولساڭدار دا تالاپ-تٸلەكتەرٸڭ, ۇمتىلىستارىڭ مەنٸ جٸگەرلەندٸردٸ. سٸزدەردٸڭ ٶتٸنٸشتەرٸڭٸزدٸ قابىلدايمىز», – دەگەن ەدٸ مەحمەت گٶرمەز انكاراداعى رەسمي قابىلداۋىندا.
2016 جىلى ەلٸمٸزدٸڭ 13 ازاماتى «حاسەكي» حالىقارالىق اكادەميياسىن بٸتٸرٸپ, دٸني سالاداعى قىزمەتٸن جالعاستىرماق.
كەزدەسۋدە ەلي ەرباش ٶزٸ باسقاراتىن ديرەكتسييادا 4 دەپارتامەنت بار ەكەنٸن باياندادى. ونىڭ ايتۋىنشا, بٸر عانا قۇران كۋرسىندا 1 ملن. 300 مىڭ ادام وقيدى ەكەن. وندا 45 مىڭ ۇستاز قىزمەت ەتەدٸ. ٶتكەن جىلى 156 700 ادامنىڭ دٸني ساۋاتىن اشىپتى. 60 ەلدەن كەلگەن 10 مىڭعا جۋىق بالا كۋرستاردا بٸلٸم الادى. تٸپتٸ, كٶزٸ كٶرمەيتٸندەر, قۇلاعى ەستٸمەيتٸندەر ٷشٸن دە قۇران كٸتاپ, باسقا دا ەڭبەكتەر شىعارىپتى. ولارعا بۇل كٸتاپتار كەز كەلگەن ۋاقىتتا تەگٸن تاراتىلادى ەكەن.
«بۇل – زاعيپ, مٷگەدەك مۇسىلمانداردىڭ اقىسى», – دەيدٸ ول.
اعابەك قوناربايۇلى, قمدب باسپاسٶز بٶلٸمٸنٸڭ مەڭگەرۋشٸسٸ
انكارا قالاسى
