Búgin Shariǵat jáne pátýa bólim basshysynyń orynbasary Sansyzbai Qurbanuly, QMDB Bólim basshylary – Baqtybai Beisenbaev («Dini bilim jáne ǵylym»), Beibit Myrzageldiev («Halal standarttaý»), Altynbek Utyshanuly («Jalpy jáne jastar»), Jándilla Bekjigitov («Meshit isteri»), Aǵabek Qonarbaiuly («Baspasóz») Túrkiia din isteri ministrliginiń Dini oqý-aǵartý direktsiiasynyń Bas direktory Áli Erbash myrzanyń qabyldaýynda boldy. Bas direktor direktsiianyń jumysyn jan-jaqty baiandai kele jýyrda ǵana ózi kýáger bolǵan oqiǵany baiandap berdi:
– Belesizder, bizdiń eldegi halyqaralyq «Haseki» akademiiasynda shetelden kelgen stýdentter de oqidy. Onyń ishinde Qazaqstannan kelgen imamdar men medrese shákirtteri bar. Meni tańqaldyrǵany – qazaqtardyń alǵyrlyǵy. Emtihan alý kezinde osyǵan kózim jetti. Olar synaq tapsyrý sátinde Quran tápsiri men túsindirmesin qazaqsha múdirmei jaýap berdi. Synap kóreiin dep, ádeii túrik tilinde suraq qoidym. Túrikshe erkin jaýap berdi. Aralarynda arabshany da jaqsy biletinder bar. Qazaq jigitteriniń alǵyrlyǵyna birinshiden – tańqaldym, ekinshiden qatty qýandym. Olarǵa: «Sizderdiń bolashaqtaryńyz zor. Dini salada úlken jetistikterge jetetinderińizge men senimdimin» dedim. Biz túbimiz bir, teligimiz bir qazaq baýyrlarymyzǵa qamqorlyq jasaýǵa árdaiym daiynbyz, – dep aǵynan jaryldy Áli Erbash myrza.
QMDB Apparat basshysy Ǵylymbek Jádigeruly túrkiialyq áriptesterge Qazaqstan musylmandary atynan alǵys aityp, jyly lebizin bildirdi.
Aita keteiik, «Haseki» akademiiasy – dini salada ǵylymi dárejesi bar, doktorlyq qorǵaǵan ǵalymdardy ǵana oqytatyn halyqaralyq oqý orny. Alaida, Bas múfti Erjan qajy Malǵajyulynyń ótinishi boiynsha, Túrkiia Din isteri ministrliginiń tóraǵasy, professor Mehmet Górmez medrese bitirgen qazaqstandyq shákirtter men dini qyzmette júrgen imamdardy «Hasekige» qabyldaýǵa kelisim bergen bolatyn.
«Menen jas bolsańdar da talap-tilekteriń, umtylystaryń meni jigerlendirdi. Sizderdiń ótinishterińizdi qabyldaimyz», – degen edi Mehmet Górmez Ankaradaǵy resmi qabyldaýynda.
2016 jyly elimizdiń 13 azamaty «Haseki» halyqaralyq akademiiasyn bitirip, dini saladaǵy qyzmetin jalǵastyrmaq.
Kezdesýde Áli Erbash ózi basqaratyn direktsiiada 4 departament bar ekenin baiandady. Onyń aitýynsha, bir ǵana Quran kýrsynda 1 mln. 300 myń adam oqidy eken. Onda 45 myń ustaz qyzmet etedi. Ótken jyly 156 700 adamnyń dini saýatyn ashypty. 60 elden kelgen 10 myńǵa jýyq bala kýrstarda bilim alady. Tipti, kózi kórmeitinder, qulaǵy estimeitinder úshin de Quran kitap, basqa da eńbekter shyǵarypty. Olarǵa bul kitaptar kez kelgen ýaqytta tegin taratylady eken.
«Bul – zaǵip, múgedek musylmandardyń aqysy», – deidi ol.
Aǵabek QONARBAIULY, QMDB Baspasóz bóliminiń meńgerýshisi
Ankara qalasy
