الماتى قالاسىندا كٶپبالالى انا التى ايلىق قىزىنىڭ جۇمباق ٶلٸمٸنە بايلانىستى سوتتان ەدٸل شەشٸم شىعارۋدى سۇرايدى. ونىڭ ايتۋىنشا, سەبيٸن ەمشەكتەن شىعارۋ ماقساتىندا ۋاقىتشا بالا كٷتۋشٸنٸڭ قاراۋىنا قالدىرعان. الايدا ارادا كٶپ ۋاقىت ٶتپەي, نەرەستە كٶز جۇمعان, دەپ حابارلايدى dalanews.kz.
مارقۇم سەبيدٸڭ اناسى وقيعادان بەرٸ جەتٸ ايعا جۋىق ۋاقىت ٶتسە دە, ٸستٸڭ ەلٸ تولىق شەشٸمٸن تاپپاعانىن ايتادى.
"تەرگەۋ امالدارىنىڭ بەرٸ بولدى. بٸراق قايتا-قايتا سول نەرسەلەردٸ سۇراي بەرەدٸ. بۇل پروتسەستٸڭ جالعاسىپ جاتقانىنا جەتٸ اي بولدى. باستاپقىدا ول "قولىمدا جاتىپ ۇيىقتاپ كەتتٸ" دەگەن بولاتىن", – دەيدٸ اناسى.
سەبيدٸڭ جاقىندارى نەرەستەنٸڭ ٶلٸمٸنە بالا كٷتۋشٸ كٸنەلٸ دەپ ەسەپتەيدٸ. ولار سوت بارىسىندا بارلىق دەلەل مۇقييات زەرتتەلٸپ, كٷدٸكتٸ زاڭ اياسىندا تيٸستٸ جازاسىن الۋى كەرەك ەكەنٸن ايتادى.
"بٸز تەك ەدٸلدٸك سۇرايمىز. بالامىزدىڭ ٶلٸمٸنە كٸم كٸنەلٸ بولسا, زاڭ الدىندا جاۋاپ بەرۋٸ تيٸس", – دەيدٸ مارقۇمنىڭ تۋىستارى.
قازٸرگٸ ۋاقىتتا ٸس سوتتا قارالىپ جاتىر. جەبٸرلەنۋشٸ تاراپ وقيعانىڭ بارلىق مەن-جايى جان-جاقتى زەردەلەنٸپ, ەدٸل شەشٸم قابىلدانادى دەپ ٷمٸتتەنەدٸ.
