Almaty qalasynda kópbalaly ana alty ailyq qyzynyń jumbaq ólimine bailanysty sottan ádil sheshim shyǵarýdy suraidy. Onyń aitýynsha, sábiin emshekten shyǵarý maqsatynda ýaqytsha bala kútýshiniń qaraýyna qaldyrǵan. Alaida arada kóp ýaqyt ótpei, náreste kóz jumǵan, dep habarlaidy dalanews.kz.
Marqum sábidiń anasy oqiǵadan beri jeti aiǵa jýyq ýaqyt ótse de, istiń áli tolyq sheshimin tappaǵanyn aitady.
"Tergeý amaldarynyń bári boldy. Biraq qaita-qaita sol nárselerdi surai beredi. Bul protsestiń jalǵasyp jatqanyna jeti ai boldy. Bastapqyda ol "qolymda jatyp uiyqtap ketti" degen bolatyn", – deidi anasy.
Sábidiń jaqyndary náresteniń ólimine bala kútýshi kináli dep esepteidi. Olar sot barysynda barlyq dálel muqiiat zerttelip, kúdikti zań aiasynda tiisti jazasyn alýy kerek ekenin aitady.
"Biz tek ádildik suraimyz. Balamyzdyń ólimine kim kináli bolsa, zań aldynda jaýap berýi tiis", – deidi marqumnyń týystary.
Qazirgi ýaqytta is sotta qaralyp jatyr. Jábirlenýshi tarap oqiǵanyń barlyq mán-jaiy jan-jaqty zerdelenip, ádil sheshim qabyldanady dep úmittenedi.
