پاۆلودار وبلىسىنىڭ اقتوعاي اۋدانىنداعى Aqtogai Milk سٷت فەرماسىندا التى جۇمىسشىنىڭ قازا تابۋىنا بايلانىستى كەسٸپورىن رەسمي مەلٸمدەمە جارييالادى. ايتا كەتەيٸك, بۇل فەرمانىڭ مەسليحات دەپۋتاتى الەكساندر تەرەنتەۆكە تيەسٸلٸ ەكەنٸ بەلگٸلٸ بولدى, دەپ حابارلايدى dalanews.kz.
كومپانييانىڭ مەلٸمەتٸنشە, كەسٸپورىن اۋماعىندا بولعان جازاتايىم وقيعا سالدارىنان التى قىزمەتكەر كٶز جۇمعان. سونداي-اق زارداپ شەككەن تاعى بٸر جۇمىسشى اقتوعاي اۋداندىق ورتالىق اۋرۋحاناسىنا جەتكٸزٸلگەن. قازٸر وعان قاجەتتٸ مەديتسينالىق كٶمەك كٶرسەتٸلٸپ جاتىر.
Aqtogai Milk جشس-نٸڭ باسشىلىعى مەن ۇجىمى قازا بولعانداردىڭ تۋعان-تۋىستارى مەن جاقىندارىنا قايعىرىپ كٶڭٸل ايتىپ, ولاردىڭ وتباسىلارىنا بارلىق قاجەتتٸ كٶمەك پەن قولداۋ كٶرسەتٸلەتٸنٸن مەلٸمدەدٸ.
كومپانييا وقيعاعا بايلانىستى قۇزىرلى مەملەكەتتٸك ورگاندار تەرگەۋ جٷرگٸزٸپ جاتقانىن حابارلادى. سونداي-اق كەسٸپورىن تەرگەۋ جۇمىستارىنا تولىقتاي قولداۋ كٶرسەتٸپ, ونىڭ قورىتىندىسى بويىنشا قابىلداناتىن بارلىق قاجەتتٸ شارالاردى ورىنداۋعا دايىن ەكەنٸن جەتكٸزدٸ.
ەسكە سالايىق, بۇعان دەيٸن پاۆلودار وبلىسىنىڭ اقتوعاي اۋدانىنداعى جولامان اۋىلىندا ورنالاسقان Aqtogai Milk جشس اۋماعىندا كەرٸز قۇدىعىنداعى ەلەكتر سورعىسىنىڭ اقاۋىن جٶندەۋ كەزٸندە التى جۇمىسشى قازا تاۋىپ, تاعى بٸر ادام اۋرۋحاناعا جەتكٸزٸلگەنٸ حابارلانعان. قازا بولعانداردىڭ بٸرٸ كەمەلەتكە تولماعان جاسٶسپٸرٸم بولعان. ەلەۋمەتتٸك جەلٸلەردە كٶز جۇمعانداردىڭ اراسىندا بٸر وتباسىنىڭ ٷش مٷشەسٸ – ەكەسٸ مەن ەكٸ ۇلى بولعانى تۋرالى اقپارات تاراعانىمەن, بۇل مەلٸمەت ەزٸرگە رەسمي تٷردە راستالعان جوق.
