"مىناۋ ما، سەندەردىڭ كورسەتكىشتەرىڭ: 1، 19... مىنا ارادا ءبارى كورىنىپ تۇر، كىمنىڭ نە ىستەگەنى. ەسكەرتۋدى كوپ جازعانسىڭدار. بۇگىن وسى ماسەلە بويىنشا ءبىزدى جيناعالى جاتىر... مۇنىڭ ءبارى ءباقبت بازاسىنان الىنعان (اكىمشىلىك قۇقىق بۇزۋشىلىقتاردىڭ ءبىرىڭعاي ءتىزىلىمى - شامامەن. رەد.)... مىنە، التىنبەككە راقمەت، 19 كۇن ىشىندە 30 حاتتاما تولتىرعان. قالعاندارىڭدى بىلمەيمىن، نە ويلاپ جۇرەتىندەرىڭدى. قامبار، سەن جەتى ەسكەرتۋ جازعانسىڭ. ال مەن سەنى ەڭبەكقور دەپ ويلاپ جۇرسەم"، – دەيدى بەلگىسىز ادام جەلىدە تاراپ كەتكەن اۋديوجازبادا.

سونداي-اق، الەۋمەتتىك جەلىدە تاراعان اقپاراتتا مۇنداي زاڭسىز نۇسقاۋلار ءۇشىن ق ر ءىىم باسشىلىعى قىزمەتكەرلەرىن قاتاڭ جازالايتىنى دا ايتىلادى.

"اتالعان فاكت بويىنشا تۇركىستان پوليسيا باسقارماسى تەكسەرۋ امالدارىن قولعا الدى، ونىڭ ناتيجەلەرى بويىنشا پوليسيا قىزمەتكەرلەرىنىڭ ىس-ارەكەتتەرىنە قۇقىقتىق باعا بەرىلەتىن بولادى"، - دەدى Zakon.kz تىلشىسىنە تۇركىستان وبلىسى پد باسپا ءسوز قىزمەتى.

بۇعان دەيىن سولتۇستىك قازاقستان وبلىسىنىڭ پروكۋرورلارى اۆتوكولىكتى 5 مينۋتتان ارتىق قىزدىرعانى ءۇشىن پوليسەيلەردىڭ جۇرگىزۋشىگە سالعان اكىمشىلىك ايىپپ ۇلىنىڭ كۇشىن جويعان بولاتىن.