– قالاداعى ەلدى مەكەندەردى ارالاۋدى جالعاستىرامىز. وزدەرىڭىز بىلەتىندەي، بىزدە ولاردىڭ سانى – 16. وندا تۇراتىن حالىقتىڭ سانى – 300 مىڭعا جۋىق ادام. بۇل – ەلوردانىڭ ءاربىر ءتورتىنشى تۇرعىنى ەلدى مەكەندە تۇرادى دەگەن ءسوز.
كوكتال-1 ەلدى مەكەنى تۇرعىندارىمەن كەزدەستىم. اتالعان ەلدى مەكەندە قوردالانىپ قالعان ءبىرقاتار ماسەلەنى شەشۋ جۇمىستارىمەن اينالىسىپ جاتىرمىز. ولار – جول سالۋ، قوعامدىق كەڭىستىكتەردى اباتتاندىرۋ، سۋ تارتۋ، كارىز سالۋ، جارىقتاندىرۋ سىندى جۇمىستار.
ەلدى مەكەنى تۇرعىندارىمەن كەزدەسۋدە ەڭ ءبىرىنشى كەزەكتە اتقارىلۋى قاجەت جۇمىستار تۋرالى اڭگىمەلەسىپ، پىكىر الماستىق. ماسەلەن، تۇرعىندار جول، تروتۋار، سكۆەرلەر/بۋلۆارلار، بالالار مەن سپورت الاڭدارىن سالۋ جانە جارىقتاندىرۋ سىندى ماسەلەلەر تۋرالى ءوز ويلارىمەن ءبولىستى. ايتىلعان ماسەلەلەردى نازارعا الىپ، وسى ەلدى مەكەننىڭ الداعى دامۋ جوسپارىنا ەنگىزەمىز.
جاقىندا كوكتال-1 ەلدى مەكەنىن تۇتاستاي گازبەن قامتاماسىز ەتتىك. سونىمەن قاتار بيىل №40 مەكتەپ-ليسەي اۋماعىندا ەكى اۋىسىمدا 1 مىڭ ورىندى قامتيتىن تاعى ءبىر وقۋ ورنى سالىندى. وسىلايشا مەكتەپكە تۇسەتىن جۇكتەمە ازايىپ، جاڭا وقۋشى ورىندارى اشىلادى. سوعان قوسا، وسى ەلدى مەكەندە قالالىقتاردىڭ تازا اۋادا سالاۋاتتى ءومىر سالتىن ساقتاي وتىرىپ، جايلى جاعدايدا ۋاقىتىن پايدالى وتكىزۋىنە مۇمكىندىك بەرەتىن تاعى 2 قوعامدىق كەڭىستىك سالامىز (اقتولقىن كوشەسى، باستاڭعى قيىلىسى).
وتكەن جىلى ەلدى مەكەندە ءبىرىنشى رەت ساياباق سالىندى. ونىڭ اۋقىمى – 15 گەكتار. سالىستىرمالى تۇردە ايتساق، بۇل ساياباق ءبىزدىڭ قالاداعى ساياباقتاردان 2 ەسە ۇلكەن. كوكتالداعى جاڭا سابياقتا باسكەتبول، فۋتبول الاڭدارى مەن ۆوركاۋت-ايماقتار، تىنىش دەمالۋعا جانە يتتەردى سەرۋەندەتۋگە ارنالعان ايماقتار بار.
مەملەكەت باسشىسى ەلدى مەكەندەردى دامىتۋعا ەرەكشە كوڭىل اۋدارادى. سوندىقتان بارلىق ەلدى مەكەندەردى دامىتۋ باعىتىندا جۇمىس جۇرگىزۋدەمىز.
ايتالىق، بىلتىر شەت ايماقتاردا 100 كوشە، 345 شاقىرىم گاز تاراتۋ جەلىلەرىن جۇرگىزدىك. ءۇش ەلدى مەكەن تۇرعىندارى گازعا قوسىلۋعا مۇمكىندىك الدى. جاڭا جىلىتۋ ماۋسىمىندا تاعى 7 ەلدى مەكەن گازعا كوشىرىلەدى.
بۇعان قوسا، 13،5 شاقىرىم ينجەنەرلىك جەلى، 5 شاقىرىمنان استام كارىز جەلىسى جانە سۋ قۇبىرىن تارتتىق، 3 شاقىرىمنان استام نوسەر كارىزدەرى سالىندى.
وتكەن جىلى 40 قوعامدىق كەڭىستىكتى بوس جاتقان تىڭ جەرىنە پاركتەر، سكۆەرلەر، بۋلۆارلار سالىندى (كوكتال-1، كوكتال-2، اگروگورودوك، ينتەرناسيونالنىي، ءوندىرىس جانە ت. ب.).
الداعى ۋاقىتتا تاعى دا 50 پارك پەن سكۆەر، 120 شاقىرىمنان استام ۆەلوسيپەد جولىن توسەۋ سالۋدى كوزدەپ وتىر.
ءوندىرىس، كوكتال، يلينكا، جەلەزنودوروجنىي ەلدى مەكەندەرىندە دەنە شىنىقتىرۋ جانە ساۋىقتىرۋ كەشەندەرىنىڭ قۇرىلىسىن جۇرگىزۋدەمىز. ول ورىنداردا سپورتپەن اينالىسۋعا ارنالعان الاڭداردان بولەك، ەگدە جاستاعى ادامداردىڭ قىزىعۋشىلىعى بويىنشا كلۋبتار، حقو، پوليسيا، پوشتا بولىمشەلەرى ورنالاسادى. اتالعان كەشەندەرگە تۇرعىندار تەگىن بارادى. ولاردى بيىل اشۋدى جوسپارلاپ وتىرمىز.
الداعى جىلدارى Nur Otan پارتياسىنىڭ سايلاۋالدى باعدارلاماسىنا سايكەس تاعى 130 شاقىرىم سۋمەن جابدىقتاۋ جانە سۋ بۇرۋ جەلىلەرىن، 85 شاقىرىم نوسەر كارىزىن، قوسالقى ستانسا مەن 177 شاقىرىم ەلەكترمەن جابدىقتاۋ جەلىلەرىن، 23 شاقىرىم جىلۋمەن جابدىقتاۋ جەلىلەرىن، 3 كەشەن نوسەر كارىزدەرىن تازارتۋ قۇرىلىستارىن سالامىز.
وسىلايشا، بۇعان دەيىن ايتقانىمداي، ءبىزدىڭ ماقساتىمىز – شەت ايماقتاردى شاعىن اۋداندارعا اينالدىرۋ. بۇل شاعىن اۋدانداردىڭ تازا اۋادا دەمالۋعا ارنالعان ورىندارى، الەۋمەتتىك نىساندارى، جايلى ءومىر ءسۇرۋ ءۇشىن قولايلى ينفراقۇرىلىمدار بولادى، – دەپ جازدى ەلوردا اكىمى.
