ايماق باسشىسىنىڭ ساپارى وبلىس بيۋدجەتى ەسەبىنەن اۋدان ورتالىعىندا سالىنىپ جاتقان دەنە شىنىقتىرۋ-ساۋىقتىرۋ كەشەنىن ارالاۋدان باستالدى. مۇندا جەكپە-جەك، جەڭىل اتلەتيكا، ويىن سپورت تۇرلەرىمەن اينالىسۋعا ارنالعان زالدار قاراستىرىلعان. سونداي-اق، بارلىق حالىقارالىق ستاندارتتارعا ساي كەلەتىن فۋتبول الاڭى مەن 400 مەترلىك ءتورت جۇگىرۋ الاڭى بولادى.
مەردىگەرلەردىڭ ايتۋىنشا، بۇگىنگى تاڭدا قۇرىلىس-مونتاجداۋ جۇمىستارى 20%-عا ورىندالعان. نىساندى كەلەر جىلدىڭ ءبىرىنشى جارتىسىندا پايدالانۋعا بەرۋ جوسپارلانىپ وتىر.
بۇدان كەيىن وبلىس اكىمى پوبەدا كوشەسىندەگى ەكى جەكە تۇرعىن ءۇيدىڭ جانە ءا.مولداعۇلوۆا كوشەسىندەگى ءۇش ءۇي قۇرىلىسىنىڭ بارىسىمەن تانىستى. تۇرعىن ۇيلەردى «ءبىر قاباتتى شىعىس» باعدارلاماسى اياسىندا جەرگىلىكتى قۇرىلىس كومپانياسى سالۋدا.
ءبىر ءۇيدىڭ جالپى اۋدانى 89،9 شارشى مەتردى قۇرايدى. بيىل قىركۇيەك-قازان ايلارىندا پايدالانۋعا بەرىلەدى. ەڭ ءبىرىنشى وندا كوپبالالى وتباسىلار قونىستانادى. سودان كەيىن دارىگەرلەردىڭ، مۇعالىمدەردىڭ، مادەنيەت قىزمەتكەرلەرى مەن بالالار ءۇيى تۇلەكتەرىنىڭ باسپانا ماسەلەسى شەشىلەدى. وسى ماقساتتا اۋدان اكىمدىگى بۇرىنعى تىگىن فابريكاسىنىڭ جاتاقحانا عيماراتىن ساتىپ الىنعان. ەكى بولمەلى 40 پاتەر جوندەلۋ ۇستىندە. وسىلايشا، وڭىردە مامان تاپشىلىعى ماسەلەسى شەشىلەدى.
سونىمەن قاتار، ايماق باسشىسى ەرتىس وزەنىنىڭ جاعاسىنداعى بۇرىنعى قالا جاعاجايىنىڭ ورنالاسقان جەرىن كوردى. دانيال احمەتوۆتىڭ تاپسىرماسى بويىنشا سەرەبريانسك اكىمدىگى جاعاجايدىڭ جاڭا جوباسىن دايىندايدى. بولاشاقتا ەرتىس جاعالاۋى قالا تۇرعىندارى دەمالاتىن تاماشا ورىنعا اينالادى.
سونىمەن قاتار، اكىم بۇرىنعى سەرەبريانسك بەيورگانيكالىق ءوندىرىس زاۋىتىنىڭ اكىمشىلىك عيماراتىن جوندەۋ جۇمىستارىمەن تانىستى. ءبىرىنشى قاباتتا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ فيليالى جۇمىس ىستەيتىن بولادى.
ەكىنشى جانە ءۇشىنشى قاباتتارعا ۇيىرمەلەر، شىعارماشىلىق ستۋديالار جانە مۋزىكا مەكتەبى ورنالاسادى. 4-5 قابات سپورت سەكسيالارىنا بەرىلەدى. سونداي-اق، ءبىرىنشى قاباتتاعى كونسەرت زالىن قالپىنا كەلتىرۋ جوسپارلانىپ وتىر.
– الداعى ۋاقىتتا قالا تۇرعىندارى جاڭا مادەني-سپورت نىسانىنا يە بولادى. بۇل وتە قاجەت. ويتكەنى، تەك مۋزىكا مەكتەبىنىڭ وزىندە 350 بالا وقيدى. قالادا قانشاما شىعارماشىلىق توپتار بار. سەرەبريانسك قالاسىن اباتتاندىرۋ جۇمىستارىن جالعاستىرا بەرەمىز. وتكەن جىلى جولدار جوندەلدى، جىلۋمەن قامتاماسىز ەتۋدىڭ بارلىق ماسەلەلەرى شەشىلدى. قالانىڭ تۇرعىن ءۇي جانە باسقا دا الەۋمەتتىك ماڭىزعا يە ماسەلەلەرىن شەشۋ مەنىڭ تۇراقتى باقىلاۋىمدا، – دەدى دانيال احمەتوۆ.
