سەنات كۋلۋارىندا باس پروكۋروردىڭ ورىنباسارى عالىمجان قويگەلديەۆ "التىن وردا" بازارىن انتيكور قىزمەتكەرلەرٸ تارتىپ الدى دەگەن اقپاراتقا قاتىستى پٸكٸر بٸلدٸردٸ, - دەپ حابارلايدى Dalanews.kz Massaget.kz-كە سٸلتەمە جاساپ.
"وسى مەسەلەگە قاتىستى تەرگەۋ جۇمىستارى جٷرگٸزٸلدٸ. ونىڭ قورىتىندىسىنا سەيكەس باسىپ الۋ ەرەكەتٸ تٸركەلگەن جوق", - دەيدٸ عالىمجان قويگەلديەۆ.
ايتا كەتەيٸك, بۇعان دەيٸن مەجٸلٸس دەپۋتاتى ابزال قۇسپان "التىن وردا" بازارىن قايتادان باسىپ الۋ ٸسٸنە قاتىستى مەسەلە كٶتەرٸپ, بۇل جاعدايعا قاتىستى تەرگەۋ جۇمىستارىن جٷرگٸزۋدٸ تالاپ ەتكەن بولاتىن.
حاتتى مەجٸلٸس دەپۋتاتتارى باقىتجان بازاربەك, ابزال قۇسپان جارقىنبەك امانتاي, نۇرسۇلتان بەيتٸلەسوۆ, دانابەك يسابەكوۆ جەنە اسقار سادىقوۆ جازعان.
حات "التىن وردا" بازارىن قايتادان باسىپ الۋ ٸسٸنە قاتىستى. بۇعان دەيٸن بولات نازارباەۆ بازاردى "ەسكٸ ەدٸسپەن" باسىپ العان. ەندٸ دەپۋتاتتار ولار بازاردى قايتادان باسىپ الۋشىلاردىڭ ەرەكەتتەرٸن تەرگەۋدٸ تالاپ ەتٸپ وتىر. سەبەبٸ دەپۋتاتتار ولاردىڭ "جاڭا قازاقستان" ٶكٸلدەرٸمەن تۋىستىق بايلانىسى بار دەپ بولجاعان.
حالىق قالاۋلىلارى انتيكور باسشىسى اسحات جۇماعاليەۆتەن جان-جاقتى تەرگەۋ جٷرگٸزۋدٸ سۇرادى. ولار ارىزىن سوتالدى تەرگەۋ تٸزٸمٸنە ەنگٸزٸپ, بازاردى باسىپ الۋعا قاتىستى زەرتتەۋ جٷرگٸزۋدٸ تالاپ ەتتٸ.
