Senat kýlýarynda Bas prokýrordyń orynbasary Ǵalymjan Qoigeldiev "Altyn orda" bazaryn Antikor qyzmetkerleri tartyp aldy degen aqparatqa qatysty pikir bildirdi, - dep habarlaidy Dalanews.kz Massaget.kz-ke silteme jasap.
"Osy máselege qatysty tergeý jumystary júrgizildi. Onyń qorytyndysyna sáikes basyp alý áreketi tirkelgen joq", - deidi Ǵalymjan Qoigeldiev.
Aita keteiik, buǵan deiin májilis depýtaty Abzal Quspan "Altyn orda" bazaryn qaitadan basyp alý isine qatysty másele kóterip, bul jaǵdaiǵa qatysty tergeý jumystaryn júrgizýdi talap etken bolatyn.
Hatty májilis depýtattary Baqytjan Bazarbek, Abzal Quspan Jarqynbek Amantai, Nursultan Báitilesov, Danabek Isabekov jáne Asqar Sadyqov jazǵan.
Hat "Altyn orda" bazaryn qaitadan basyp alý isine qatysty. Buǵan deiin Bolat Nazarbaev bazardy "eski ádispen" basyp alǵan. Endi depýtattar olar bazardy qaitadan basyp alýshylardyń áreketterin tergeýdi talap etip otyr. Sebebi depýtattar olardyń "jańa Qazaqstan" ókilderimen týystyq bailanysy bar dep boljaǵan.
Halyq qalaýlylary Antikor basshysy Ashat Jumaǵalievten jan-jaqty tergeý júrgizýdi surady. Olar aryzyn sotaldy tergeý tizimine engizip, bazardy basyp alýǵa qatysty zertteý júrgizýdi talap etti.
