سىبايلاس جەمقورلىققا قارسى قىزمەت جاسىرىن ءىس-شارالار كەشەنىنىڭ ناتيجەلەرى بويىنشا نۇرجان التايەۆتى اسا اۋىر جەمقورلىق قىلمىس جاسادى دەگەن كۇدىك بويىنشا ۇستاعانىن مالىمدەدى.
“ن.ب. التايەۆ ەڭبەك جانە الەۋمەتتىك قورعاۋ ۆيسە-مينيسترى، كەيىننەن ق ر پارلامەنتى ءماجىلىسىنىڭ دەپۋتاتى رەتىندە جۇيەلى نەگىزدە "اتامەكەن" ۇلتتىق كاسىپكەرلەر پالاتاسىنىڭ باسقارما ءتوراعاسى ا.ي. مىرزاحمەتوۆتەن اسا ءىرى مولشەردە پارا الدى دەپ كۇدىكتەنەدى. 2018-2020 جىلدار كەزەڭىندە جاۋاپتى مەملەكەتتىك لاۋازىمداردى اتقارا وتىرىپ، ول ا.ي.مىرزاحمەتوۆتىڭ مۇددەسى ءۇشىن ارەكەت ەتىپ، ونىڭ ۇيىمىنا مەملەكەتتىك تاپسىرىستاردى الۋىنا ىقپال ەتىپ، جالپى قامقورشىلىق كورسەتكەن”، – دەلىنگەن حابارلامادا.
نۇرجان التايەۆ استانا قالاسى پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالدى. وزگە اقپارات تەرگەۋ مۇددەسى ءۇشىن وزگە اقپارات جاريا ەتىلمەدى.
ەسكە سالايىق، بۇعان دەيىن نۇرجان التايەۆتىڭ پارا الدى دەگەن كۇدىكپەن ۇستالعانى تۋرالى حابارلاعان ەدىك. ال بۇل ىستە ەسىمى اتالعان ابىلاي مىرزاحمەتوۆكە 30 ميلليون دوللار پارا الدى دەگەن كۇدىككە ىلىنگەن. ءبىرقاتار تەلەگرام ارنالار التايەۆتىڭ ەسكى قازاقستاننىڭ وكىلى نۇرلان نىعماتۋلينمەن بايلانىسى بارىن جازعان ەدى.
