Áltaevtyń kimniń múddesine jumys istegeni belgili boldy
Sybailas jemqorlyqqa qarsy qyzmet jasyryn is-sharalar kesheniniń nátijeleri boiynsha Nurjan Áltaevty asa aýyr jemqorlyq qylmys jasady degen kúdik boiynsha ustaǵanyn málimdedi.
“N.B. Áltaev Eńbek jáne áleýmettik qorǵaý vitse-ministri, keiinnen QR Parlamenti Májilisiniń depýtaty retinde júieli negizde "Atameken" Ulttyq Kásipkerler palatasynyń basqarma tóraǵasy A.I. Myrzahmetovten asa iri mólsherde para aldy dep kúdiktenedi. 2018-2020 jyldar kezeńinde jaýapty memlekettik laýazymdardy atqara otyryp, ol A.I.Myrzahmetovtyń múddesi úshin áreket etip, onyń uiymyna memlekettik tapsyrystardy alýyna yqpal etip, jalpy qamqorshylyq kórsetken”, – delingen habarlamada.
Nurjan Áltaev Astana qalasy politsiia departamentiniń ýaqytsha ustaý izoliatoryna qamaldy. Ózge aqparat tergeý múddesi úshin ózge aqparat jariia etilmedi.
Eske salaiyq, buǵan deiin Nurjan Áltaevtyń para aldy degen kúdikpen ustalǵany týraly habarlaǵan edik. Al bul iste esimi atalǵan Abylai Myrzahmetovke 30 million dollar para aldy degen kúdikke ilingen. Birqatar telegram arnalar Áltaevtyń eski Qazaqstannyń ókili Nurlan Nyǵmatýlinmen bailanysy baryn jazǵan edi.
