اتىراۋدا جانگەلدين اۋىلىنداعى بٸر وتباسىنىڭ ٶلٸمٸنە قاتىستى ٸس بويىنشا الدىن الا سوت وتىرىسى ٶتٸپ جاتىر. Tengrinews.kz تٸلشٸلەرٸ سوت زالىندا بولىپ, ٸستٸڭ العاشقى مەلٸمەتتەرٸن جارييالادى, دەپ حابارلايدى dalanews.kz.
وتىرىس بارىسىندا پروكۋرور ميراس باۋىرجانوۆ ايىپتاۋ اكتٸسٸن وقىدى. وندا سوتتالۋشى سۇلتان سەرسەماليەۆتٸڭ بۇرىنعى جۇبايىنىڭ تۋعان اعاسى ناۋرىز مۇقانعاليەۆتٸڭ قازاسىنا الىپ كەلگەن جانجالدىڭ مەن-جايى باياندالعان.
"ول قانداي دا بٸر سەبەپتەرمەن بالالاردىڭ سوتتالۋشىنىڭ اتا-اناسىنىڭ ٷيٸنە جەتكٸزٸلٸپ, ٸس جٷزٸندە سول جەردە تۇرىپ جاتقانى تۋرالى مەسەلە كٶتەرۋگە تىرىسقان. ٶز كەزەگٸندە سەرسەماليەۆ مۇقانعاليەۆ ناۋرىزعا قالادا تۇرىپ جاتقان كەزەڭدە بالالارعا جەنە مۇقانعاليەۆاعا ٶز بەتٸنشە قاراي المايتىنىن ايتقاننان كەيٸن, ولاردىڭ اراسىندا كەلٸسپەۋشٸلٸك باستالعان", – دەلٸنگەن ايىپتاۋ اكتٸسٸندە.
ايىپتاۋ تاراپىنىڭ مەلٸمەتٸنشە, جانجال شەشٸلمەگەن. وسىدان كەيٸن مۇقانعاليەۆ مەسەلەنٸ جەكە سٶيلەسٸپ شەشۋ ٷشٸن قالاعا كەلەتٸنٸن ايتقان.
2025 جىلعى 14 مامىردا ول اتىراۋعا كەلٸپ, سەرسەماليەۆپەن بايلانىسقا شىققان. ەكەۋٸ بەيبارىس داڭعىلى بويىندا ورنالاسقان تەمٸرجول ۆوكزالىندا كەزدەسكەن. سول جەردە ولار اراداعى كەلٸسپەۋشٸلٸكتٸ قايتا تالقىلاعانىمەن, ورتاق شەشٸمگە كەلە الماعان.
"سەرسەماليەۆ مۇقانعاليەۆ ناۋرىزعا اۋىلعا تٷپكٸلٸكتٸ كٶشپەگەنٸن, وتباسىنىڭ جەكە زاتتارى مەن كيٸمدەرٸ ۋاقىتشا جالدامالى پەتەردە تۇرعانىن, سونداي-اق قايتادان اتىراۋعا كٶشۋ جوسپارى بار ەكەنٸن تٷسٸندٸرگەن", – دەپ وقىدى پروكۋرور.
تەرگەۋ دەرەگٸنشە, سەرسەماليەۆ قارسىلاسىنا بۇل جاعدايعا ٶزٸ كٶز جەتكٸزۋ ٷشٸن اتالعان ٷيگە بارۋدى ۇسىنعان. مۇقانعاليەۆ كەلٸسٸپ, ەكەۋٸ بٸرگە سول مەكەنجايعا بارعان.
ٷيدٸڭ ٸشٸندە ەر ادامدار زالعا كٸرٸپ, جانجالدى تالقىلاۋدى جالعاستىرعان. الايدا بۇل جولى دا كەلٸسٸمگە كەلە الماعان. سٶز تالاسى كەيٸن تٶبەلەسكە ۇلاسقان.
"جانجال بارىسىندا سەرسەماليەۆ ٶزٸنٸڭ مۇقانعاليەۆ ناۋرىزدان فيزيكالىق تۇرعىدان ەلسٸز ەكەنٸن جەنە وعان لايىقتى قارسىلىق كٶرسەتە المايتىنىن تٷسٸنٸپ, قاساقانا كٸسٸ ٶلتٸرۋ تۋرالى شەشٸم قابىلداعان", – دەلٸنگەن ايىپتاۋ اكتٸسٸندە.
بۇدان كەيٸن, ايىپتاۋ نۇسقاسىنا سەيكەس, ول اسٷيگە بارىپ, پىشاق العان. ارتىنشا تٶبەلەس كەزٸندە مۇقانعاليەۆتٸڭ ٸش تۇسىنا بٸرنەشە رەت پىشاق سۇققان.
العان جاراقاتتارىنان ناۋرىز مۇقانعاليەۆ وقيعا ورنىندا كٶز جۇمعان.
ٸس ماتەريالدارىنا سەيكەس, سودان كەيٸن سەرسەماليەۆ قىلمىستىڭ ٸزٸن جاسىرۋعا تىرىسقان. مارقۇمنىڭ دەنەسٸ جەكە ٷيدٸڭ اۋلاسىنا جاسىرىلىپ, ىقتيمال ايعاقتاردى جويۋعا ەرەكەت جاسالعان.
