الماتىدا زاڭسىز ونلاين-كازينولاردىڭ تٶلەم جٷيەسٸن ۇيىمداستىرعان توپتىڭ جولى كەسٸلدٸ, دەپ حابارلايدى dalanews.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, كٷدٸكتٸلەر «Olymp Casino», «Rukh Poker» جەنە «7Kcasino» ونلاين-كازينولارىنا ويىنشىلاردان تٶلەم قابىلداۋ جەنە اقشا اۋدارىمدارىن ٶڭدەۋ ٷشٸن «Rocket.do» پلاتفورماسىن پايدالانعان.
تەرگەۋ بارىسىندا توپ مٷشەلەرٸنٸڭ بٸرٸ شەتەل ازاماتى بولعانى انىقتالعان. ول بانك شوتتارىن ۋاقىتشا پايدالانۋعا بەرۋگە دايىن ادامداردى ٸزدەپ, ەرقايسىسىنا 200 دوللارعا دەيٸن ۇسىنعان. كەيٸن قازاقستانعا كەلگەن «دروپپەرلەردٸ» حالىققا قىزمەت كٶرسەتۋ ورتالىعىنا اپارىپ, جەكە سەيكەستەندٸرۋ نٶمٸرٸن رەسٸمدەتكەن جەنە بانكتەردە شوت اشقىزعان.
كٷدٸكتٸ 15 شەتەل ازاماتىنىڭ بانك شوتتارىنا, سونداي-اق ٶزٸنٸڭ شوتىنا قول جەتكٸزگەن. وسى 16 شوتقا ونلاين-كازينو ويىنشىلارىنان تٷسكەن قاراجاتتىڭ جالپى كٶلەمٸ 110 ملن تەڭگەدەن اسقان.
قازٸرگٸ تاڭدا كٷدٸكتٸلەردٸڭ بٸرٸ ۇستالىپ, تاعى ٷشەۋٸنە قاتىستى ەشقايدا كەتپەۋ تۋرالى قولحات تٷرٸندەگٸ بۇلتارتپاۋ شاراسى قولدانىلعان.
قىلمىستىق ٸس سوتقا جولداندى. تەرگەۋ مٷددەسٸنە بايلانىستى ٶزگە اقپارات قىلمىستىق-پروتسەستٸك كودەكستٸڭ 201-بابىنا سەيكەس جارييا ەتٸلمەيدٸ.
