Almatyda zańsyz onlain-kazinolardyń tólem júiesin uiymdastyrǵan toptyń joly kesildi, dep habarlaidy dalanews.kz.
Qarjylyq monitoring agenttiginiń málimetinshe, kúdiktiler «Olymp Casino», «Rukh Poker» jáne «7Kcasino» onlain-kazinolaryna oiynshylardan tólem qabyldaý jáne aqsha aýdarymdaryn óńdeý úshin «Rocket.do» platformasyn paidalanǵan.
Tergeý barysynda top músheleriniń biri shetel azamaty bolǵany anyqtalǵan. Ol bank shottaryn ýaqytsha paidalanýǵa berýge daiyn adamdardy izdep, árqaisysyna 200 dollarǵa deiin usynǵan. Keiin Qazaqstanǵa kelgen «dropperlerdi» Halyqqa qyzmet kórsetý ortalyǵyna aparyp, jeke sáikestendirý nómirin rásimdetken jáne bankterde shot ashqyzǵan.
Kúdikti 15 shetel azamatynyń bank shottaryna, sondai-aq óziniń shotyna qol jetkizgen. Osy 16 shotqa onlain-kazino oiynshylarynan túsken qarajattyń jalpy kólemi 110 mln teńgeden asqan.
Qazirgi tańda kúdiktilerdiń biri ustalyp, taǵy úsheýine qatysty eshqaida ketpeý týraly qolhat túrindegi bultartpaý sharasy qoldanylǵan.
Qylmystyq is sotqa joldandy. Tergeý múddesine bailanysty ózge aqparat Qylmystyq-protsestik kodekstiń 201-babyna sáikes jariia etilmeidi.
