الماتى ەكٸمٸ دارحان ساتىبالدى مەملەكەت باسشىسىنىڭ اتىنان اقىن ەرٸ قوعام قايراتكەرٸ ولجاس سٷلەيمەنوۆتٸ 90 جاس مەرەيتويىمەن قۇتتىقتادى, دەپ حابارلايدى dalanews.kz.
دارحان ساتىبالدى قازاقستاننىڭ حالىق جازۋشىسىنىڭ شاڭىراعىنا بارىپ, ەل پرەزيدەنتٸ قاسىم-جومارت توقاەۆتىڭ قۇتتىقتاۋ حاتىن وقىپ بەردٸ.
"سٸز قازاقستاندا عانا ەمەس, حالىقارالىق دەڭگەيدە دە كٶرنەكتٸ اقىن, تەرەڭ ويلى قالامگەر ەرٸ بەدەلدٸ قوعام قايراتكەرٸ رەتٸندە سىي-قۇرمەتكە يە بولدىڭىز. سٸزدٸڭ گۋمانيستٸك يدەيالارىڭىز ۇلتتىق مەدەنيەت پەن قوعامدىق-ساياسي ويدىڭ اسىل مۇراسىنا اينالىپ, ەلەمگە كەڭٸنەن تانىلدى. بٸرەگەي شىعارماشىلىعىڭىز ارقىلى قازاق حالقىنىڭ تاريحي ساناسىنىڭ جاڭعىرۋىنا ٶلشەۋسٸز ٷلەس قوستىڭىز", — دەلٸنگەن مەملەكەت باسشىسىنىڭ قۇتتىقتاۋىندا.
الماتى ەكٸمٸ ولجاس سٷلەيمەنوۆكە ەدەبيەتتٸ, قوعامدىق وي مەن يادرولىق قارۋعا قارسى قوزعالىستى دامىتۋعا قوسقان ٶلشەۋسٸز ٷلەسٸ ٷشٸن العىس بٸلدٸردٸ. ول قالامگەردٸڭ باستاماسىمەن قۇرىلعان "نەۆادا-سەمەي" قوزعالىسى يادرولىق سىناقتارعا قارسى كٷرەستٸڭ سيمۆولىنا اينالىپ, سەمەي يادرولىق پوليگونى جابىلۋىنا ماڭىزدى رٶل اتقارعانىن جەتكٸزدٸ.
ولجاس سٷلەيمەنوۆتٸڭ ەسٸمٸ تەۋەلسٸز قازاقستان تاريحىنا التىن ەرٸپپەن جازىلعان. XX-XXI عاسىرلارداعى كٶرنەكتٸ اقىن, زاڭعار جازۋشى ٶزٸنٸڭ ەدەبي مۇراسىمەن عانا ەمەس, بەلسەندٸ قوعامدىق-ساياسي قىزمەتٸمەن دە ەلەمگە كەڭ تانىلدى. ونىڭ شىعارمالارى كٶپتەگەن تٸلگە اۋدارىلىپ, كٶپ تارالىممەن جارىق كٶرٸپ, وقىرمان قاۋىمنىڭ سۇرانىسىنا يە بولىپ كەلەدٸ.
