الماتىدا 4–13 قىركٷيەك ارالىعىندا ورتالىق جەنە تالدى كٶشەلەرٸنٸڭ بٸر بٶلٸگٸندە كٶلٸك قوزعالىسى ۋاقىتشا شەكتەلەدٸ, دەپ حابارلايدى dalanews.kz.
«الاتاۋ جارىق كومپانيياسى» اق مەلٸمەتٸنشە, شەكتەۋ قاكيمبەك سالىقوۆ كٶشەسٸنەن جەڭگٸر حان كٶشەسٸنە دەيٸنگٸ ۋچاسكەدە ەنگٸزٸلەدٸ.
قوزعالىستى شەكتەۋ قاجەتتٸلٸگٸ №2353 جەنە №2363 220 كۆ ەلەكتر بەرۋ جەلٸلەرٸنٸڭ زاقىمدانۋىنا بايلانىستى تۋىنداعان. سونىڭ سالدارىنان الماتى مەن الماتى اگلومەراتسيياسىن ەلەكترمەن جابدىقتاۋ سەنٸمدٸلٸگٸن قامتاماسىز ەتەتٸن 220 كۆ جەلٸسٸنٸڭ ساقينالى سحەماسى بۇزىلعان.
ەلەكترمەن جابدىقتاۋ سحەماسىن قالپىنا كەلتٸرۋ ٷشٸن «اجك» ماماندارى ورتالىق جەنە تالدى كٶشەلەرٸ ماڭىنداعى زاقىمدانعان كابەل ۋچاسكەسٸندە اپاتتىق-قالپىنا كەلتٸرۋ جۇمىستارىن جٷرگٸزەدٸ.
جۇمىستىڭ ەرەكشەلٸگٸنە بايلانىستى اتالعان اۋماقتا كٶلٸك قوزعالىسىن ۇيىمداستىرۋ تەرتٸبٸ ۋاقىتشا ٶزگەرەدٸ.
جٶندەۋ جۇمىستارى تەۋلٸك بويى قاجەتتٸ قاۋٸپسٸزدٸك شارالارىن ساقتاي وتىرىپ جٷرگٸزٸلەدٸ. كومپانييا جۇمىستاردى مٷمكٸندٸگٸنشە قىسقا مەرزٸمدە اياقتاپ, قوزعالىسقا قويىلاتىن شەكتەۋ ۋاقىتىن بارىنشا ازايتۋعا تىرىساتىنىن مەلٸمدەدٸ.
تۇرعىندار مەن قالا قوناقتارىنا باعىتتارىن الدىن الا جوسپارلاۋ ۇسىنىلادى.
