Almatyda 4–13 qyrkúiek aralyǵynda Ortalyq jáne Taldy kósheleriniń bir bóliginde kólik qozǵalysy ýaqytsha shekteledi, dep habarlaidy dalanews.kz.
«Alataý Jaryq Kompaniiasy» AQ málimetinshe, shekteý Qakimbek Salyqov kóshesinen Jáńgir han kóshesine deiingi ýchaskede engiziledi.
Qozǵalysty shekteý qajettiligi №2353 jáne №2363 220 kV elektr berý jelileriniń zaqymdanýyna bailanysty týyndaǵan. Sonyń saldarynan Almaty men Almaty aglomeratsiiasyn elektrmen jabdyqtaý senimdiligin qamtamasyz etetin 220 kV jelisiniń saqinaly shemasy buzylǵan.
Elektrmen jabdyqtaý shemasyn qalpyna keltirý úshin «AJK» mamandary Ortalyq jáne Taldy kósheleri mańyndaǵy zaqymdanǵan kabel ýchaskesinde apattyq-qalpyna keltirý jumystaryn júrgizedi.
Jumystyń ereksheligine bailanysty atalǵan aýmaqta kólik qozǵalysyn uiymdastyrý tártibi ýaqytsha ózgeredi.
Jóndeý jumystary táýlik boiy qajetti qaýipsizdik sharalaryn saqtai otyryp júrgiziledi. Kompaniia jumystardy múmkindiginshe qysqa merzimde aiaqtap, qozǵalysqa qoiylatyn shekteý ýaqytyn barynsha azaitýǵa tyrysatynyn málimdedi.
Turǵyndar men qala qonaqtaryna baǵyttaryn aldyn ala josparlaý usynylady.
