الماتىدا اقوردانى باسىپ الۋعا ەرەكەت جاسادى دەپ ايىپتالعان بەس بەلسەندٸگە سوت ٷكٸمٸ شىقتى, دەپ حابارلايدى dalanews.kz.
المالى اۋداندىق قىلمىستىق ٸستەر جٶنٸندەگٸ سوتى قايسار ٶزبەك پەن تالعات ەشٸروۆكە جيىنتىق قىلمىستىق قۇقىق بۇزۋشىلىقتار بويىنشا 5 جىل 6 ايدان باس بوستاندىعىنان ايىرۋ جازاسىن تاعايىندادى. ال اسقار نۇرماعان, تاعاي ەبدۋەلي جەنە دٷيسەنبەك جاقاشەۆتىڭ ەرقايسىسى 5 جىلعا سوتتالدى. بۇل تۋرالى قۇقىق قورعاۋشى باقىتجان تٶرەعوجينا حابارلادى.
سوت پروتسەسٸ جابىق رەجيمدە ٶتتٸ. ٸس بويىنشا سوت وتىرىستارىن جابىق ٶتكٸزۋ تۋرالى ٶتٸنٸشتٸ پروكۋرور بەرگەن. بۇعان كۋەگەرلەردٸڭ بٸرٸنٸڭ قاۋٸپسٸزدٸگٸنە الاڭداۋى سەبەپ رەتٸندە كٶرسەتٸلگەن.
ايىپتاۋ اكتٸسٸنە سەيكەس, سوتتالۋشىلار الداعى ەرەكەتتەرٸن جوسپارلاپ, دايىندىق جۇمىستارىن جٷرگٸزۋ ٷشٸن جاسىرىن كەزدەسۋلەر ٶتكٸزگەن. سونىمەن قاتار ولار WhatsApp مەسسەندجەرٸندە «قايرات كوماندا» اتتى ورتاق چات قۇرعان.
تەرگەۋ نۇسقاسى بويىنشا, كەزدەسۋلەر مەن بايلانىستار بارىسىندا توپ مٷشەلەرٸ استانا اۋماعىندا جاپپاي تەرتٸپسٸزدٸك ۇيىمداستىرىپ, بيلٸكتٸ باسىپ الۋعا, سونداي-اق قازاقستان پرەزيدەنتٸنٸڭ رەزيدەنتسيياسى – اقوردانى باسىپ الۋعا جەنە حالىقتى ستيحييالىق تٷردە كٶتەرۋگە دايىندالعان. بۇل ەرەكەتتەر 2025 جىلدىڭ قاڭتار-ماۋسىم ايلارى ارالىعىندا جاسالدى دەپ كٶرسەتٸلگەن.
اسقار نۇرماعان, ەبدۋەلي تاعاي جەنە دٷيسەنبەك جاقاشەۆقا ادامدار توبىنىڭ بيلٸكتٸ كٷشپەن باسىپ الۋىن نەمەسە ۇستاپ تۇرۋىن ناسيحاتتاۋ, سونداي-اق زورلىق-زومبىلىقپەن, قيراتۋمەن جەنە بيلٸك ٶكٸلدەرٸنە قارسىلىق كٶرسەتۋمەن قاتار جٷرەتٸن جاپپاي تەرتٸپسٸزدٸكتەردٸ دايىنداۋ جەنە ۇيىمداستىرۋ بويىنشا ايىپ تاعىلعان.
ال قايسار ٶزبەك پەن تالعات ەشٸروۆكە اتالعان ايىپتاردان بٶلەك, ادامدار توبىنىڭ قۇرامىندا جارىلعىش زاتتاردى زاڭسىز ساتىپ الۋ, ساقتاۋ جەنە تاسىمالداۋ بويىنشا دا ايىپ تاعىلعان.
بۇعان دەيٸن, 4 قىركٷيەكتە, مەملەكەتتٸك ايىپتاۋشى بەس سوتتالۋشىنىڭ ەرقايسىسىنا 8 جىلدان باس بوستاندىعىنان ايىرۋدى سۇراعان ەدٸ.
سوتتالۋشىلار تاعىلعان ايىپتاردى مويىنداماعانى تۋرالى بۇعان دەيٸن حابارلانعان. قورعاۋ تاراپى ولاردىڭ جاپپاي تەرتٸپسٸزدٸك ۇيىمداستىرۋعا قاجەتتٸ قارجىسى مەن قۇرىلىمى بولماعانىن ايتقان.
سوتتىڭ بٷگٸنگٸ ٷكٸمٸمەن پروكۋرور سۇراعان جازا مەرزٸمٸ تولىق كٶلەمدە تاعايىندالعان جوق.
