الماتىداعى Forum Almaty ساۋدا-ويىن-ساۋىق ورتالىعىندا كينوعا بارعان 29 جاستاعى جٸگٸت قايتىس بولدى. تۋىستارىنىڭ ايتۋىنشا, ول پوپكورنعا قاقالىپ قالعان, دەپ حابارلايدى dalanews.kz.
وقيعا 17 مامىر كٷنٸ بولعان. مارقۇم كينوتەاترعا بۇرىنعى سىنىپتاس قىزبەن بٸرگە كەلگەن. سەانس باستالار الدىندا ول پوپكورن ساتىپ الىپ, كەيٸن قاقالىپ قالعان.
تۋىستارىنىڭ سٶزٸنشە, ەۋەلٸ جٸگٸتتٸڭ جاعدايى دەرەتحانادا ناشارلاعان. ول جەردە قۇسىپ, كەيٸن ٶزٸنە جەڭٸلدەپ قالعانىن ايتقان. وسىدان كەيٸن ەكەۋٸ كينو زالىنا كٸرگەن. الايدا بٸراز ۋاقىتتان سوڭ جٸگٸت تاماعى جىبىرلاپ تۇرعانىن ايتىپ, ٶزٸن جايسىز سەزٸنە باستاعان. كەيٸن جاعدايى كٷرت ناشارلاعان.
جاقىندارىنىڭ ايتۋىنشا, ول بٸرازدان كەيٸن «جٷرەگٸم قىسىلىپ تۇر» دەپ شاعىمدانىپ, سىرت كيٸمٸن قاسىنداعى تانىسىنا بەرگەننەن كەيٸن ەسٸنەن تانىپ قالعان. وقيعا كۋەگەرلەرٸ دەرٸگەرلەر كەلگەنگە دەيٸن العاشقى كٶمەك كٶرسەتۋگە تىرىسقان. بٸراق جٸگٸتتٸ امان الىپ قالۋ مٷمكٸن بولماعان.
مارقۇمنىڭ تۋىستارى بۇل قايعىلى جاعدايدىڭ الدىن الۋعا بولار ەدٸ دەپ ەسەپتەيدٸ. ولاردىڭ پٸكٸرٸنشە, ەگەر جانىندا تۇنشىعۋ كەزٸندە دۇرىس كٶمەك كٶرسەتە الاتىن ادام بولعاندا, جٸگٸتتٸ قۇتقارىپ قالۋ مٷمكٸن ەدٸ.
وقيعادان كەيٸن ەلەۋمەتتٸك جەلٸ قولدانۋشىلارى جٸگٸتتٸڭ ٶلٸمٸنە نە سەبەپ بولۋى مٷمكٸن ەكەنٸن تالقىلاي باستادى. كەيبٸرٸ ونىڭ انافيلاكتيكالىق شوك العان بولۋى ىقتيمال دەگەن بولجام ايتىپ جاتىر.
