بۇل تۋرالى ازاتتىق حابارلادى.
2016 جىلى قاراشانىڭ 6-سى كٷنٸ الماتىداعى Almaty Towers بيزنەس ورتالىعىندا ٶرت شىعىپ, وقيعا ورنىندا 54 جاستاعى دەنەكەرلەۋشٸ قازا تاپقان. كەلەسٸ كٷنٸ ٶرتەنگەن عيماراتتان تاعى بەس ادامنىڭ – الماتىداعى جوعارى وقۋ ورىندارى ستۋدەنتتەرٸنٸڭ سٷيەكتەرٸ تابىلعان.
قازا تاپقان بەس ستۋدەنتتٸڭ ٷشەۋٸنٸڭ - ەكۋپجون توحتامىشەۆ, يسمايلجون يسرايلوۆ جەنە ابىلايحان زۋتەبەكوۆتٸڭ جاقىندارىنىڭ ادۆوكاتى ەرلان بەكپولوۆتىڭ پٸكٸرٸنشە, ٶرت شىققاندا ٶرت دابىلى مەن ٶرت سٶندٸرۋدٸڭ سپرينكلەرلٸك جٷيەسٸ جۇمىس ٸستەمەگەن. سونىمەن قاتار ٶرت بولعان جاعدايدا سىرتقا شىعاتىن جولدا كەڭسە ورنالاسۋى دا - زاڭسىز. ول "بۇل زاڭ بۇزۋشىلىقتارعا بيزنەس ورتالىقتىڭ ەكٸمشٸلٸگٸ مەن قالالىق تٶتەنشە جاعدايلار دەپارتامەنتٸ جاۋاپتى" دەيدٸ.
ٶرتتەن سوڭ Almaty Towers ەكٸمشٸلٸگٸ "بارلىق ٶرت سٶندٸرۋ جٷيەسٸ مەن قاجەتتٸ قاۋٸپسٸزدٸك جٷيەسٸ ٸسكە قوسىلدى, بەرٸ جۇمىس ٸستەپ تۇردى" دەپ مەلٸمدەگەن ەدٸ. تٶتەنشە جاعدايلار دەپارتامەنتٸ دە مۇنى راستاعان.
ٶرتتەن سوڭ بيزنەس ورتالىعىندا ورىندى جالعا العان "باتۋت ورتالىعى" كومپانيياسىنىڭ ديرەكتورى دەۋرەن تۇياقوۆ ۇستالىپ, قىلمىستىق كودەكستٸڭ "بايقاۋسىزدا ادام قازاسىنا اپارىپ سوققان ٶرت قاۋٸپسٸزدٸگٸ تالاپتارىن بۇزۋ" كٷدٸگٸمەن ەكٸ ايعا قامالعان.
