Bul týraly Azattyq habarlady.
2016 jyly qarashanyń 6-sy kúni Almatydaǵy Almaty Towers bıznes ortalyǵynda órt shyǵyp, oqıǵa ornynda 54 jastaǵy dánekerleýshi qaza tapqan. Kelesi kúni órtengen ǵımarattan taǵy bes adamnyń – Almatydaǵy joǵary oqý oryndary stýdentteriniń súıekteri tabylǵan.
Qaza tapqan bes stýdenttiń úsheýiniń - Ekýpjon Tohtamyshev, Ismaıljon Israılov jáne Abylaıhan Zýtebekovtiń jaqyndarynyń advokaty Erlan Bekpolovtyń pikirinshe, órt shyqqanda órt dabyly men órt sóndirýdiń sprınklerlik júıesi jumys istemegen. Sonymen qatar órt bolǵan jaǵdaıda syrtqa shyǵatyn jolda keńse ornalasýy da - zańsyz. Ol "bul zań buzýshylyqtarǵa bıznes ortalyqtyń ákimshiligi men qalalyq tótenshe jaǵdaılar departamenti jaýapty" deıdi.
Órtten soń Almaty Towers ákimshiligi "barlyq órt sóndirý júıesi men qajetti qaýipsizdik júıesi iske qosyldy, bári jumys istep turdy" dep málimdegen edi. Tótenshe jaǵdaılar departamenti de muny rastaǵan.
Órtten soń bıznes ortalyǵynda oryndy jalǵa alǵan "Batýt ortalyǵy" kompanıasynyń dırektory Dáýren Tuıaqov ustalyp, qylmystyq kodekstiń "baıqaýsyzda adam qazasyna aparyp soqqan órt qaýipsizdigi talaptaryn buzý" kúdigimen eki aıǵa qamalǵan.
