الماتى وبلىسىنداعى زاڭدى ويىن بيزنەسٸ سۋبەكتٸلەرٸنەن التى اي ٸشٸندە مەملەكەتتٸك بيۋدجەتكە 25 ملرد تەڭگە سالىق تٷستٸ. ونىڭ 10,6 ملرد تەڭگەسٸ ٶڭٸرلٸك بيۋدجەتكە اۋدارىلدى. ال, سوڭعى ەكٸ جارىم جىلدا سالادان مەملەكەتتٸك بيۋدجەتكە جالپى 184,7 ملرد تەڭگە سالىق تٷسكەن. ونىڭ 53,8 ملرد تەڭگەسٸ ٶڭٸرلٸك بيۋدجەت كٸرٸسٸنە باعىتتالعان, دەپ حابارلايدى dalanews.kz.
جالپى قوناەۆ قالاسىندا ويىن بيزنەسٸ سالاسىندا 21 نىسان جۇمىس ٸستەيدٸ. ونىڭ ٸشٸندە 5 كازينو, 13 بۋكمەكەرلٸك كەڭسە جەنە 3 ويىن اۆتوماتتارى زالى بار. سالادا شامامەن 2,5 مىڭ ادام ەڭبەك ەتەدٸ.
ويىن بيزنەسٸ ايماقتىڭ تۋريزمٸنە دە وڭ ەسەر ەتٸپ وتىر. الماتى وبلىسى تۋريزم باسقارماسىنىڭ مەلٸمەتٸنشە, ٶڭٸردەگٸ كازينولارعا كەلۋشٸلەردٸڭ شامامەن 20 پايىزى – شەتەل ازاماتتارى.
«قوناەۆ قالاسىنا كەلگەن ەربٸر تۋريست قوناقٷيلەردە ورنالاسىپ, قوعامدىق تاماقتانۋ ورىندارىنا بارادى, كٶلٸك, ساۋدا جەنە باسقا دا قىزمەت تٷرلەرٸن پايدالانادى. بۇل ٶز كەزەگٸندە شاعىن جەنە ورتا بيزنەستٸڭ دامۋىنا, جاڭا جۇمىس ورىندارىنىڭ اشىلۋىنا جەنە جەرگٸلٸكتٸ ەكونوميكانىڭ جاندانۋىنا دا ىقپال ەتەدٸ. سوندىقتان تۋريستٸك اعىننىڭ ارتۋى ٶڭٸردٸڭ قىزمەت كٶرسەتۋ سالاسىنىڭ دامۋىنا وڭ ەسەر ەتۋدە», – دەدٸ الماتى وبلىسى تۋريزم باسقارماسىنىڭ باسشىسى قۋانىشبەك ميرامبەكۇلى.
ايتا كەتەيٸك, قولدانىستاعى «ويىن بيزنەسٸ تۋرالى» زاڭ اياسىندا تالعار اۋدانىندا تەك شەتەل ازاماتتارىنا ارنالعان جاڭا ويىن ايماعىن قۇرۋ جوسپارلانىپ وتىر. بۇل باستاما قوعامدىق كەڭەستە قارالىپ, وڭ قورىتىندى العان.
جوبانى تالعار اۋدانىندا ورنالاستىرۋ ۇسىنىسى ٶڭٸردٸڭ تۋريستٸك ەلەۋەتٸمەن بايلانىستى. اۋدان الماتى قالاسى مەن حالىقارالىق ەۋەجايعا جاقىن ورنالاسقان. سونىمەن قاتار مۇندا تاۋ تۋريزمٸ, ساۋىقتىرۋ جەنە دەمالىس باعىتىنداعى ٸرٸ نىساندار شوعىرلانعان.
«تالعار اۋدانى تۋريستٸك ينفراقۇرىلىمى قالىپتاسقان ايماقتاردىڭ بٸرٸ. مۇندا «اقبۇلاق» سپورتتىق-ساۋىقتىرۋ كەشەنٸ, «Oi-Qaragai» تاۋ-شاڭعى كۋرورتى, Aquaasia Resort جەنە Tal Resort دەمالىس كەشەنٸ سيياقتى تانىمال تۋريستٸك نىساندار بار. سوندىقتان جاڭا ايماقتى ٶڭٸردٸڭ تۋريستٸك ەكوجٷيەسٸنٸڭ بٸر بٶلٸگٸ رەتٸندە دامىتۋ كٶزدەلٸپ وتىر. بۇل تۋريستەرگە ۇسىنىلاتىن قىزمەت تٷرلەرٸن ەرتاراپتاندىرىپ, سەرۆيستٸك ينفراقۇرىلىمنىڭ دامۋىنا قوسىمشا مٷمكٸندٸك بەرەدٸ», – دەدٸ الماتى وبلىسى تۋريزم باسقارماسىنىڭ باسشىسى قۋانىشبەك ميرامبەكۇلى.
جوبانى ٸسكە اسىرۋ نەتيجەسٸندە قوناقٷي بيزنەسٸ, قوعامدىق تاماقتانۋ, كٶلٸك, ساۋدا جەنە باسقا دا قىزمەت كٶرسەتۋ سالالارىنىڭ دامۋىنا سەرپٸن بەرٸپ, جاڭا جۇمىس ورىندارىن اشۋعا, ينۆەستيتسييا تارتۋعا جەنە بيۋدجەت كٸرٸسٸن ۇلعايتۋعا مٷمكٸندٸك تۋادى.
