Almaty oblysyndaǵy zańdy oiyn biznesi sýbektilerinen alty ai ishinde memlekettik biýdjetke 25 mlrd teńge salyq tústi. Onyń 10,6 mlrd teńgesi óńirlik biýdjetke aýdaryldy. Al, sońǵy eki jarym jylda saladan memlekettik biýdjetke jalpy 184,7 mlrd teńge salyq túsken. Onyń 53,8 mlrd teńgesi óńirlik biýdjet kirisine baǵyttalǵan, dep habarlaidy dalanews.kz.
Jalpy Qonaev qalasynda oiyn biznesi salasynda 21 nysan jumys isteidi. Onyń ishinde 5 kazino, 13 býkmekerlik keńse jáne 3 oiyn avtomattary zaly bar. Salada shamamen 2,5 myń adam eńbek etedi.
Oiyn biznesi aimaqtyń týrizmine de oń áser etip otyr. Almaty oblysy Týrizm basqarmasynyń málimetinshe, óńirdegi kazinolarǵa kelýshilerdiń shamamen 20 paiyzy – shetel azamattary.
«Qonaev qalasyna kelgen árbir týrist qonaqúilerde ornalasyp, qoǵamdyq tamaqtaný oryndaryna barady, kólik, saýda jáne basqa da qyzmet túrlerin paidalanady. Bul óz kezeginde shaǵyn jáne orta biznestiń damýyna, jańa jumys oryndarynyń ashylýyna jáne jergilikti ekonomikanyń jandanýyna da yqpal etedi. Sondyqtan týristik aǵynnyń artýy óńirdiń qyzmet kórsetý salasynyń damýyna oń áser etýde», – dedi Almaty oblysy Týrizm basqarmasynyń basshysy Qýanyshbek Mirambekuly.
Aita keteiik, qoldanystaǵy «Oiyn biznesi týraly» zań aiasynda Talǵar aýdanynda tek shetel azamattaryna arnalǵan jańa oiyn aimaǵyn qurý josparlanyp otyr. Bul bastama qoǵamdyq keńeste qaralyp, oń qorytyndy alǵan.
Jobany Talǵar aýdanynda ornalastyrý usynysy óńirdiń týristik áleýetimen bailanysty. Aýdan Almaty qalasy men halyqaralyq áýejaiǵa jaqyn ornalasqan. Sonymen qatar munda taý týrizmi, saýyqtyrý jáne demalys baǵytyndaǵy iri nysandar shoǵyrlanǵan.
«Talǵar aýdany týristik infraqurylymy qalyptasqan aimaqtardyń biri. Munda «Aqbulaq» sporttyq-saýyqtyrý kesheni, «Oi-Qaragai» taý-shańǵy kýrorty, Aquaasia Resort jáne Tal Resort demalys kesheni siiaqty tanymal týristik nysandar bar. Sondyqtan jańa aimaqty óńirdiń týristik ekojúiesiniń bir bóligi retinde damytý kózdelip otyr. Bul týristerge usynylatyn qyzmet túrlerin ártaraptandyryp, servistik infraqurylymnyń damýyna qosymsha múmkindik beredi», – dedi Almaty oblysy Týrizm basqarmasynyń basshysy Qýanyshbek Mirambekuly.
Jobany iske asyrý nátijesinde qonaqúi biznesi, qoǵamdyq tamaqtaný, kólik, saýda jáne basqa da qyzmet kórsetý salalarynyń damýyna serpin berip, jańa jumys oryndaryn ashýǵa, investitsiia tartýǵa jáne biýdjet kirisin ulǵaitýǵa múmkindik týady.
