الماتى وبلىسىندا بٸرنەشە جىلعا سوزىلعان تەرگەۋ اياقتالىپ, ەسٸرتكٸ ٶندٸرۋمەن جەنە تاراتۋمەن اينالىسقان ترانسۇلتتىق قىلمىستىق توپتىڭ مٷشەلەرٸنە قاتىستى سوت ٷكٸمٸ شىقتى, دەپ حابارلايدى dalanews.kz.
جۋرناليست ميحايل كوزاچكوۆتىڭ مەلٸمەتٸنشە, ٸس ماتەريالدارىنا سەيكەس, 2022 جىلى قازاقستانعا قۇرىلىسشى رەتٸندە كەلگەن جەتٸ ۋكراينا ازاماتى كەيٸن ەسٸرتكٸ ٶندٸرۋ جەنە تاراتۋ ٸسٸنە قاتىسى بار دەگەن كٷدٸككە ٸلٸنگەن. تەرگەۋ بارىسىندا ولاردىڭ الماتى ماڭىنان ەكٸ ٷي مەن ٷش اۆتوكٶلٸك ساتىپ الىپ, بٸرقاتار عيماراتتار مەن گاراجداردى جالعا العانى انىقتالعان.
وقيعانىڭ بەتٸ 2022 جىلعى 22 جەلتوقساندا اشىلعان. سول كٷنٸ كٷدٸكتٸلەردٸڭ ەكەۋٸ قاراشىڭعىل اڭشىلىق شارۋاشىلىعى اۋماعىنا بارعان. ولاردىڭ كٶلٸگٸ جەرگٸلٸكتٸ ەگەرلەردٸڭ نازارىن اۋدارعان. تەكسەرۋ كەزٸندە كٶلٸكتەن زاڭسىز زات تابىلماعانىمەن, ەگەرلەر ماڭايدى قاراپ شىعىپ, بۇتالاردىڭ اراسىنان ٸشٸندە اق تٷستٸ ۇنتاق بار ٸرٸ پوليەتيلەن قاپتى انىقتاعان. وسىدان كەيٸن ولار پوليتسييا شاقىرعان.
وقيعا ورنىنا كەلگەن پوليتسەيلەر كٷدٸكتٸلەردٸ ۇستاپ, ولاردىڭ تۇرعىلىقتى جەرلەرٸ مەن جالعا العان نىساندارىندا تٸنتۋ جٷرگٸزگەن. تەرگەۋ بارىسىندا ٷيلەر مەن گاراجداردان ەسٸرتكٸ ٶندٸرۋگە ارنالعان حيمييالىق زاتتار, زەرتحانالىق جابدىقتار جەنە دايىن ٶنٸم تەركٸلەنگەن. سونداي-اق قۇقىق قورعاۋ ورگاندارىنىڭ مەلٸمەتٸنشە, كٷدٸكتٸلەر ەل اۋماعىنا ەسٸرتكٸ جاساۋعا قاجەتتٸ پرەكۋرسورلاردىڭ ٸرٸ كٶلەمٸن جەتكٸزگەن.
العاشىندا ۇستالعاندار تەرگەۋمەن ىنتىماقتاسىپ, قويمالار مەن ساقتاۋ ورىندارىن كٶرسەتكەن. الايدا كەيٸن ٶز كٸنەلارىن مويىنداۋدان باس تارتىپ, قازاقستانعا قۇرىلىس جەنە جٶندەۋ جۇمىستارىمەن اينالىسۋ ٷشٸن كەلگەندەرٸن ايتقان.
سوعان قاراماستان سوت ۇسىنىلعان دەلەلدەردٸ زەرتتەي كەلە, جەتٸ ازاماتتىڭ دا ەسٸرتكٸ ٶندٸرۋ جەنە تاراتۋ قىلمىستارىنا قاتىسى بار ەكەنٸن, سونداي-اق ولاردىڭ ترانسۇلتتىق ۇيىمداسقان قىلمىستىق توپ قۇرامىندا ەرەكەت ەتكەنٸن انىقتاعان.
سوت شەشٸمٸمەن توپ مٷشەلەرٸنە ۇزاق مەرزٸمگە باس بوستاندىعىنان ايىرۋ جازاسى تاعايىندالدى. ال 35 جاستاعى اندريي سليۆينسكيي قىلمىستىق توپتىڭ جەتەكشٸسٸ رەتٸندە 20 جىلعا سوتتالعان.
