تالعار اۋدانىندا جاستار اراسىندا توعىزقۇمالاقتان قازاقستان رەسپۋبليكاسىنىڭ XXIV چەمپيوناتى مەرەسٸنە جەتتٸ. بٸر اپتا بويى ەلٸمٸزدٸڭ 15 ٶڭٸرٸنەن كەلگەن 100-گە جۋىق ٷزدٸك سپورتشى قازاقستان چەمپيونى اتاعىمەن قاتار, قاراشا ايىندا تٷركييادا ٶتەتٸن ەلەم چەمپيوناتىنا بەرٸلەتٸن جولدامالار ٷشٸن باق سىنادى, دەپ حابارلايدى dalanews.kz.
جارىس U-19 جەنە U-21 جاس ساناتتارى بويىنشا حالىقارالىق ەرەجەلەرگە سەيكەس ٷش ديستسيپلينادا – كلاسسيكا, راپيد جەنە بليتس تٷرلەرٸندە ٶتكٸزٸلدٸ. مۇنداي فورمات كلاسسيكالىق پارتييادا دا, ۋاقىت شەكتەۋلٸ ويىنداردا دا جوعارى نەتيجە كٶرسەتە الاتىن ەمبەباپ ويىنشىلاردى انىقتاۋعا مٷمكٸندٸك بەرەدٸ.
قازاقستان ۇلتتىق قۇراماسىنىڭ توعىزقۇمالاقتان مەملەكەتتٸك جاتتىقتىرۋشىسى دەۋلەت ەبدٸكەرٸموۆتٸڭ ايتۋىنشا, بۇل چەمپيونات جاس سپورتشىلار ٷشٸن ٷلكەن سىناق بولدى.
«كٶپتەگەن قاتىسۋشىلار ٷشٸن بۇل تۋرنير سپورتتاعى شەبەرلٸكتٸ شىڭدايتىن ماڭىزدى كەزەڭگە اينالدى. مۇندا تەورييانى جاقسى بٸلۋ نەمەسە ويىن تەحنيكاسىنىڭ مىقتى بولۋى جەتكٸلٸكسٸز. ەرتٷرلٸ ديستسيپلينالارعا تەز بەيٸمدەلٸپ, پسيحولوگييالىق قىسىمدى ەڭسەرە العان سپورتشىلار عانا جەڭٸسكە جەتەدٸ. وسىنداي جارىستاردا قازاقستان ۇلتتىق قۇراماسىنىڭ بولاشاق نەگٸزگٸ قۇرامى قالىپتاسادى», – دەدٸ ول.
الماتى وبلىسىنىڭ توعىزقۇمالاقتان اعا جاتتىقتىرۋشىسى ەربولات قىلىشباەۆ قازٸرگٸ ويىنشىلاردىڭ باتىل ويىنىمەن جەنە تىڭ شەشٸمدەر قابىلداۋعا ۇمتىلىسىمەن ەرەكشەلەنەتٸنٸن اتاپ ٶتتٸ.
راپيد باعدارلاماسىنىڭ U-19 ساناتى بويىنشا قىزدار اراسىندا باتىس قازاقستان وبلىسىنىڭ ٶكٸلٸ ساميرا ورازمۇحانبەت چەمپيون اتاندى. ەكٸنشٸ ورىندى قوستاناي وبلىسىنان كەلگەن ايىم ەلٸبەكقىزى, ٷشٸنشٸ ورىندى پاۆلودار وبلىسىنان قاتىسقان ارۋجان سالمەن يەلەندٸ. ال اتالعان سانات بويىنششا ۇلدار اراسىندا الماتى قالاسىنىڭ سپورتشىسى مەيٸرلان نۇرلانۇلى جەڭٸمپاز اتانسا, قوستاناي وبلىسىنىڭ نامىسىن قورعاعان ايدىن جاقيەۆ كٷمٸس, پاۆلودار وبلىسىنان كەلگەن نادير احمەتوۆ قولا مەدالدى جەڭٸپ الدى.
U-21 ساناتىندا قىزدار اراسىندا نۇراي مەكتەپحان (قىزىلوردا وبلىسى) چەمپيون اتاندى. ەكٸنشٸ ورىن اقبوتا نامازعا (تٷركٸستان وبلىسى), ٷشٸنشٸ ورىن ەسەم دەۋرەنبەكقىزىنا (قىزىلوردا وبلىسى) بۇيىردى. ۇلدار اراسىندا اقتٶبە وبلىسىنىڭ ٶكٸلٸ قايرات تۇراربەك التىن مەدال يەلەنسە, الماتى قالاسىنىڭ قاتىسۋشىسى ەلدار دەكەن كٷمٸس, اقتٶبە وبلىسىنىڭ ٶكٸلٸ الماس تٸلەگەنوۆ قولا جٷلدەگەر اتاندى.
بليتس سايىسىندا U-19 ساناتىنداعى قىزدار بەسەكەسٸندە اباي وبلىسىنىڭ سپورتشىسى ايانا يساحان جەڭٸسكە جەتتٸ. ەكٸنشٸ ورىندى ساميرا ورازمۇحانبەت (باتىس قازاقستان وبلىسى), ٷشٸنشٸ ورىندى ديلناز جانات (پاۆلودار وبلىسى) يەلەندٸ. ال ۇلدار اراسىندا نادير احمەتوۆ (پاۆلودار وبلىسى) چەمپيون اتانسا, ماحمۇتجان ازيمحان (استانا قالاسى) كٷمٸس, ايدىن جاقيەۆ (قوستاناي وبلىسى) قولا مەدال الدى.
U-21 ساناتىندا قىزدار اراسىندا ايانا تەمٸربولاتوۆا (پاۆلودار وبلىسى) بٸرٸنشٸ ورىنعا قول جەتكٸزدٸ. اقبوتا ناماز (تٷركٸستان وبلىسى) كٷمٸس, تالشىن تارعىنبەكوۆا (قوستاناي وبلىسى) قولا جٷلدەگەر اتاندى. ۇلدار اراسىندا الماتى وبلىسىنىڭ ٶكٸلٸ ەرنۇر باتىر چەمپيون اتانىپ, ەلدار دەكەن (الماتى قالاسى) ەكٸنشٸ, دياس جانباۋ (اقتٶبە وبلىسى) ٷشٸنشٸ ورىن الدى.
كلاسسيكا باعدارلاماسىندا U-19 قىزدار اراسىندا ساميرا ورازمۇحانبەت (باتىس قازاقستان وبلىسى) التىن مەدال جەڭٸپ الدى. ۆيكتورييا بەليتسكايا (تٷركٸستان وبلىسى) كٷمٸس, ارۋجان سالمەن (پاۆلودار وبلىسى) قولا جٷلدەگە يە بولدى. U-19 ۇلدار اراسىندا ەردەۋلەت ورالباي (تٷركٸستان وبلىسى) چەمپيون اتانسا, ەرسۇلتان جالعاسباي مەن ايدىن جاقيەۆ (ەكەۋٸ دە قوستاناي وبلىسىنان) جٷلدەلٸ ورىنداردى بٶلٸستٸ.
U-21 قىزدار اراسىندا اقبوتا ناماز (تٷركٸستان وبلىسى) چەمپيون اتاندى. ايانا تەمٸربولاتوۆا (پاۆلودار وبلىسى) ەكٸنشٸ, نۇراي مەكتەپحان (قىزىلوردا وبلىسى) ٷشٸنشٸ ورىن يەلەندٸ. ۇلدار اراسىندا ەلدار دەكەن (الماتى قالاسى) التىن مەدالدى جەڭٸپ الدى. الماتى وبلىسىنىڭ ٶكٸلٸ ەرنۇر باتىر كٷمٸس, اقتٶبە وبلىسىنىڭ سپورتشىسى الماس تٸلەگەنوۆ قولا مەدالعا يە بولدى.
15-17 جاس ارالىعىنداعى مەكتەپ وقۋشىلارى اراسىنداعى العاشقى ەلەم چەمپيونى, 2025 جىلعى ازييا ويىندارىنىڭ قولا جٷلدەگەرٸ جەنە قازاقستاننىڭ بٸرنەشە دٷركٸن چەمپيونى بولعان ەرنۇر باتىر تۋرنيردەگٸ بەسەكەلەستٸكتٸڭ ٶتە جوعارى بولعانىن ايتتى.
«ەر پارتييا ەرەكشە زەيٸن قويىپ, مۇقييات بولۋدى تالاپ ەتتٸ. قارسىلاستار ٶتە مىقتى دايىندالعاندىقتان, قاتەلەسۋگە جول جوق ەكەنٸن سەزدٸم. الماتى وبلىسىنىڭ نامىسىن ابىرويمەن قورعاپ, ەل چەمپيونى اتاعىن قايتا راستاعانىما قۋانىشتىمىن. جاتتىقتىرۋشىلارىما, كوماندامىزعا جەنە قولداۋ كٶرسەتكەن بارشا جانكٷيەرلەرگە العىس ايتامىن», – دەدٸ سپورتشى.
جالپىكوماندالىق ەسەپتە تٷركٸستان وبلىسىنىڭ قۇراماسى چەمپيون اتاندى. ەكٸنشٸ ورىندى الماتى قالاسىنىڭ كومانداسى, ال ٷشٸنشٸ ورىندى پاۆلودار وبلىسىنىڭ قۇراماسى يەلەندٸ.
