Talǵar aýdanynda jastar arasynda toǵyzqumalaqtan Qazaqstan Respýblikasynyń XXIV chempionaty máresine jetti. Bir apta boiy elimizdiń 15 óńirinen kelgen 100-ge jýyq úzdik sportshy Qazaqstan chempiony ataǵymen qatar, qarasha aiynda Túrkiiada ótetin álem chempionatyna beriletin joldamalar úshin baq synady, dep habarlaidy dalanews.kz.
Jarys U-19 jáne U-21 jas sanattary boiynsha halyqaralyq erejelerge sáikes úsh distsiplinada – klassika, rapid jáne blits túrlerinde ótkizildi. Mundai format klassikalyq partiiada da, ýaqyt shekteýli oiyndarda da joǵary nátije kórsete alatyn ámbebap oiynshylardy anyqtaýǵa múmkindik beredi.
Qazaqstan ulttyq quramasynyń toǵyzqumalaqtan memlekettik jattyqtyrýshysy Dáýlet Ábdikárimovtiń aitýynsha, bul chempionat jas sportshylar úshin úlken synaq boldy.
«Kóptegen qatysýshylar úshin bul týrnir sporttaǵy sheberlikti shyńdaityn mańyzdy kezeńge ainaldy. Munda teoriiany jaqsy bilý nemese oiyn tehnikasynyń myqty bolýy jetkiliksiz. Ártúrli distsiplinalarǵa tez beiimdelip, psihologiialyq qysymdy eńsere alǵan sportshylar ǵana jeńiske jetedi. Osyndai jarystarda Qazaqstan ulttyq quramasynyń bolashaq negizgi quramy qalyptasady», – dedi ol.
Almaty oblysynyń toǵyzqumalaqtan aǵa jattyqtyrýshysy Erbolat Qylyshbaev qazirgi oiynshylardyń batyl oiynymen jáne tyń sheshimder qabyldaýǵa umtylysymen erekshelenetinin atap ótti.
Rapid baǵdarlamasynyń U-19 sanaty boiynsha qyzdar arasynda Batys Qazaqstan oblysynyń ókili Samira Orazmuhanbet chempion atandy. Ekinshi oryndy Qostanai oblysynan kelgen Aiym Álibekqyzy, úshinshi oryndy Pavlodar oblysynan qatysqan Arýjan Salmen ielendi. Al atalǵan sanat boiynsha uldar arasynda Almaty qalasynyń sportshysy Meiirlan Nurlanuly jeńimpaz atansa, Qostanai oblysynyń namysyn qorǵaǵan Aidyn Jaqiev kúmis, Pavlodar oblysynan kelgen Nadir Ahmetov qola medaldy jeńip aldy.
U-21 sanatynda qyzdar arasynda Nurai Mektephan (Qyzylorda oblysy) chempion atandy. Ekinshi oryn Aqbota Namazǵa (Túrkistan oblysy), úshinshi oryn Ásem Dáýrenbekqyzyna (Qyzylorda oblysy) buiyrdy. Uldar arasynda Aqtóbe oblysynyń ókili Qairat Turarbek altyn medal ielense, Almaty qalasynyń qatysýshysy Eldar Dáken kúmis, Aqtóbe oblysynyń ókili Almas Tilegenov qola júldeger atandy.
Blits saiysynda U-19 sanatyndaǵy qyzdar básekesinde Abai oblysynyń sportshysy Aiana Isahan jeńiske jetti. Ekinshi oryndy Samira Orazmuhanbet (Batys Qazaqstan oblysy), úshinshi oryndy Dilnaz Janat (Pavlodar oblysy) ielendi. Al uldar arasynda Nadir Ahmetov (Pavlodar oblysy) chempion atansa, Mahmutjan Azimhan (Astana qalasy) kúmis, Aidyn Jaqiev (Qostanai oblysy) qola medal aldy.
U-21 sanatynda qyzdar arasynda Aiana Temirbolatova (Pavlodar oblysy) birinshi orynǵa qol jetkizdi. Aqbota Namaz (Túrkistan oblysy) kúmis, Talshyn Tarǵynbekova (Qostanai oblysy) qola júldeger atandy. Uldar arasynda Almaty oblysynyń ókili Ernur Batyr chempion atanyp, Eldar Dáken (Almaty qalasy) ekinshi, Dias Janbaý (Aqtóbe oblysy) úshinshi oryn aldy.
Klassika baǵdarlamasynda U-19 qyzdar arasynda Samira Orazmuhanbet (Batys Qazaqstan oblysy) altyn medal jeńip aldy. Viktoriia Belitskaia (Túrkistan oblysy) kúmis, Arýjan Salmen (Pavlodar oblysy) qola júldege ie boldy. U-19 uldar arasynda Erdáýlet Oralbai (Túrkistan oblysy) chempion atansa, Ersultan Jalǵasbai men Aidyn Jaqiev (ekeýi de Qostanai oblysynan) júldeli oryndardy bólisti.
U-21 qyzdar arasynda Aqbota Namaz (Túrkistan oblysy) chempion atandy. Aiana Temirbolatova (Pavlodar oblysy) ekinshi, Nurai Mektephan (Qyzylorda oblysy) úshinshi oryn ielendi. Uldar arasynda Eldar Dáken (Almaty qalasy) altyn medaldy jeńip aldy. Almaty oblysynyń ókili Ernur Batyr kúmis, Aqtóbe oblysynyń sportshysy Almas Tilegenov qola medalǵa ie boldy.
15-17 jas aralyǵyndaǵy mektep oqýshylary arasyndaǵy alǵashqy álem chempiony, 2025 jylǵy Aziia oiyndarynyń qola júldegeri jáne Qazaqstannyń birneshe dúrkin chempiony bolǵan Ernur Batyr týrnirdegi básekelestiktiń óte joǵary bolǵanyn aitty.
«Ár partiia erekshe zeiin qoiyp, muqiiat bolýdy talap etti. Qarsylastar óte myqty daiyndalǵandyqtan, qatelesýge jol joq ekenin sezdim. Almaty oblysynyń namysyn abyroimen qorǵap, el chempiony ataǵyn qaita rastaǵanyma qýanyshtymyn. Jattyqtyrýshylaryma, komandamyzǵa jáne qoldaý kórsetken barsha jankúierlerge alǵys aitamyn», – dedi sportshy.
Jalpykomandalyq esepte Túrkistan oblysynyń quramasy chempion atandy. Ekinshi oryndy Almaty qalasynyń komandasy, al úshinshi oryndy Pavlodar oblysynyń quramasy ielendi.
