VI دٷنيەجٷزٸلٸك كٶشپەندٸلەر ويىندارىندا ەل نامىسىن قورعاپ, جٷلدەلٸ ورالعان الماتى وبلىسىنىڭ سپورتشىلارى ماراپاتتالدى. قىرعىزستاندا ٶتكەن حالىقارالىق دودادا بابى مەن باعى قاتار جانعان جٷلدەگەرلەرگە الماتى وبلىسىنىڭ ەكٸمٸ شىڭعىس ەرٸنوۆ العىس ايتىپ, ٸلتيپات بٸلدٸردٸ, دەپ حابارلايدى dalanews.kz.
“كٶشپەندٸلەر ويىندارى – حالقىمىزدىڭ ۇلتتىق بولمىسىن, سالت-دەستٷرٸن, ات ٷستٸندەگٸ ٶنەرٸن ەلەمگە تانىتاتىن اسا ماڭىزدى حالىقارالىق جارىس. ەلەمنٸڭ 100-دەن استام ەلٸنەن كٸل مىقتىلار قاتىسقان دٷبٸرلٸ دودادا ۇلتتىق قۇراما جالپىكوماندالىق ەسەپتە بٸرٸنشٸ ورىنعا يە بولدى. بۇل – ەلٸمٸز ٷشٸن ٷلكەن ماقتانىش. بٸز ٷشٸن تاعى بٸر ەرەكشە قۋانىش – ەل قۇراماسىنىڭ ساپىندا الماتى وبلىسى اتىنان ٶنەر كٶرسەتكەن سپورتشىلاردىڭ جٷلدەلٸ ورىندارعا يە بولۋى. بۇل رەتتە سپورتشىلارىمىزدىڭ جەڭٸسٸنە جول اشقان باپكەرلەردٸڭ دە ەڭبەگٸن ەرەكشە اتاپ ٶتكٸم كەلەدٸ. ٶڭٸردە ۇلتتىق سپورتتى دامىتۋعا, بالالار مەن جاسٶسپٸرٸمدەر اراسىنان سپورت رەزەرۆٸن قالىپتاستىرۋعا ەرەكشە باسىمدىق بەرٸلٸپ كەلەدٸ. سوڭعى جىلدارى ۇلتتىق سپورتقا بەت بۇرعان جاستاردىڭ قاتارى ايتارلىقتاي ارتتى. الداعى ۋاقىتتا ۇلتتىق سپورتتى كەڭٸنەن دەرٸپتەۋگە, ونى بۇقارالىق سيپاتقا جەتكٸزۋگە, جاس تالانتتاردى ٸرٸكتەپ, مىقتى سپورت رەزەرۆٸن قالىپتاستىرۋعا جەنە ەل ابىرويىن اسقاقتاتاتىن ساڭلاقتارعا جان-جاقتى قولداۋ كٶرسەتۋگە باسىمدىق بەرەمٸز. ۇلتتىق سپورتتىڭ ٶركەندەۋٸ زاماناۋي ەرٸ قولجەتٸمدٸ ينفراقۇرىلىمعا دا تٸكەلەي بايلانىستى, – دەدٸ شىڭعىس سايرانۇلى.
سونداي-اق سپورت نىساندارىن سالۋ مەن جاڭعىرتۋ جەنە ەربٸر تۇرعىننىڭ سپورتپەن شۇعىلدانۋىنا قولايلى ورتا قالىپتاستىرۋ باعىتىنداعى جۇمىستار جٷيەلٸ تٷردە جالعاساتىنىن تٸلگە تيەك ەتتٸ.
ايماق باسشىسى ساناۋلى كٷندەردەن سوڭ جالاۋى جەلبٸرەيتٸن حح ازييا ويىندارىنا قازاقستان قۇراماسى ساپىندا الماتى وبلىسىنىڭ 24 ٶكٸلٸ سپورتتىڭ 13 تٷرٸنەن باق سىنايتىنىن ايتىپ, بارشا تۇرعىنداردى وسى بايراقتى بەسەكەگە قاتىساتىن جەرلەستەرٸمٸزگە قولداۋ كٶرسەتۋگە شاقىردى.
بٷگٸنگٸ ٸس-شارا بارىسىندا «الاتاۋ» فەدەراتسيياسىنىڭ پرەزيدەنتٸ سەبيت قاسەنوۆ, كٶكپاردان VI دٷنيەجٷزٸلٸك كٶشپەندٸلەر ويىندارىنىڭ تٶرەشٸسٸ ەلدوس تٸلەبالديەۆ جەنە الامان بەيگەدەن, كٶكپاردان, كٶكبٶرٸدەن جٷلدەلٸ ورىندارعا يە بولعان سپورتشىلارعا پرەزيدەنتٸڭ “العىس حاتى” تابىستالدى. ٶزگە سپورتشىلار مەن باپكەرلەر دە وبلىس ەكٸمٸنٸڭ “قۇرمەت گراموتاسى” جەنە “العىس حاتپەن” ماراپاتتالدى.
دٷبٸرلٸ دودادا كٶك بايراقتى جەلبٸرەتٸپ, جەڭٸسپەن ورالعان سپورتشىلار ٶزدەرٸن ەلەپ-ەسكەرگەن مەملەكەت باسشىسى مەن وبلىس ەكٸمٸنە العىس بٸلدٸردٸ.
