الماتى حالىقارالىق ەۋەجايىندا Fly Arystan ەۋە كومپانيياسىنىڭ ۇشاعىندا ٶرت شىقتى, دەپ حابارلايدى dalanews.kz.
ەۋە كومپانيياسىنىڭ باسپاسٶز قىزمەتٸ وقيعانىڭ 28 تامىز كٷنٸ الماتى ەۋەجايىندا بولعانىن راستادى.
Air Astana مەلٸمەتٸنشە, ٶرت تەحنيكالىق جۇمىستار جٷرگٸزٸلٸپ جاتقان كەزدە شىققان.
– جۇمىستاردى ورىنداۋ بارىسىندا جەرگٸلٸكتٸ ٶرت شىعۋ وقيعاسى بولدى. ەۋەجايدىڭ جەدەل قىزمەتتەرٸ ونى قىسقا ۋاقىت ٸشٸندە تولىق سٶندٸردٸ. Air Astana توبىنىڭ بٸر قىزمەتكەرٸ جاراقات الىپ, وعان مەديتسينالىق كٶمەك كٶرسەتٸلدٸ. كەيٸن دەرٸگەرلەر ونى اۋرۋحانادان شىعاردى, – دەپ حابارلادى ەۋە كومپانيياسى.
وقيعا كەزٸندە ۇشاق بورتىندا جولاۋشىلار مەن ەكيپاج مٷشەلەرٸ بولماعان.
قازٸر ەۋە كەمەسٸ ۋاقىتشا پايدالانۋدان شىعارىلدى. ماماندار ۇشاققا كەلتٸرٸلگەن زاقىم كٶلەمٸن انىقتاپ, جٶندەۋ جۇمىستارىن جٷرگٸزۋ مٷمكٸندٸگٸن باعالاپ جاتىر.
