مەگاپوليستە سۋ قۇبىرى مەن كارىزدىڭ ينجەنەرلىك جەلىلەرىنىڭ كەڭ اۋقىمدى قۇرىلىسىمەن ءبىر مەزگىلدە اۋىز سۋ كوزدەرىن كەڭەيتۋ بويىنشا بىرنەشە جوبا ىسكە اسىرىلۋدا.
ماسەلەن، سۋدىڭ ساپاسىن جاقسارتۋ جانە ونىڭ ناۋرىزباي اۋدانىنىڭ شاعىن اۋداندارىنا ءۇزىلىسسىز بەرىلۋىن قامتاماسىز ەتۋ ءۇشىن ءفيلترلى ستانسياسى بار «قارعالى» سۋ تارتۋ قۇرىلىسىنىڭ رەكونسترۋكسياسى اياقتالىپ قالدى.
قۋاتتىلىعى تاۋلىگىنە 15 مىڭ تەكشە مەتر بولاتىن جاڭا سۋ دايىنداۋ ستانسياسى قاراعايلى، قارعالى، قۇرامىس، تاستىبۇلاق جانە تاۋسامالى شاعىن اۋداندارىنىڭ 28 مىڭ تۇرعىن سۋمەن قامتۋعا مۇمكىندىك بەرەدى، - دەپ اتاپ ءوتتى اكىمنىڭ ورىنباسارى.
كەلەسى جىلى اقساي وزەنىندە ناۋرىزباي اۋدانىنىڭ 42 مىڭ تۇرعىنىن قامتيتىن وسىنداي عيماراتتىڭ قۇرىلىسى باستالادى.
سونداي-اق، بوستاندىق اۋدانىندا ەرمەنساي، باعانالى، نۇرلىتاۋ، نۇرالاتاۋ، رەميزوۆكا جانە ەنەرگەتيك شاعىن اۋداندارىنىڭ 22 مىڭ تۇرعىنى ءۇشىن سۋ جيناۋ جوباسىن ازىرلەۋ اياقتالۋدا.
– بوستاندىق اۋدانىنىڭ جوعارعى بولىگىنىڭ سۋ قۇبىرى جانە كارىز جەلىلەرىن قالانىڭ كوممۋنالدىق مەنشىگىنە بەرۋ بويىنشا جۇمىس جۇرگىزۋدە، بۇل تۇرعىنداردى ساپالى سۋمەن جانە ولاردىڭ ۇيلەرىن سۋمەن ءۇزىلىسسىز قامتاماسىز ەتۋگە مۇمكىندىك بەرەدى، – دەپ حابارلادى اكىمنىڭ ورىنباسارى.
وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا قالا اكىمىنىڭ ورىنباسارى مۇحيت ازىربايەۆ قالا تۇرعىندارىنان ينجەنەرلىك جەلىلەر قۇرىلىسىنا بايلانىستى ۋاقىتشا قولايسىزدىقتارعا تۇسىنىستىكپەن قاراۋدى سۇرادى.
اكىمنىڭ ورىنباسارى ينجەنەرلىك جەلىلەردى توسەۋ كەزىندە قۇرىلىسشىلار بىرەگەي شەشىمدى تالاپ ەتەتىن ءتۇرلى قيىندىقتارعا تاپ بولاتىنىن اتاپ ءوتتى.
ماسەلەن، قولدانىستاعى ينجەنەرلىك كوممۋنيكاسيالار جەلىلەرى قالانىڭ تومەنگى بولىگىندە بار بولعاندىقتان، قۇرىلىس بارىسى قيىنداپ وتىر. كابەلدىك جەلىلەرگە نەمەسە ەسكى سۋمەن جابدىقتاۋ نەمەسە كارىز جەلىلەرىنە زاقىم كەلتىرمەۋ ءۇشىن قۇرىلىسشىلار اباي بولۋى كەرەك، ويتكەنى بۇل قالا تۇرعىندارىنىڭ قۇرىلىس مەرزىمدەرىنە دەگەن نارازىلىعىن تۋدىرۋى مۇمكىن.
تاۋلى جەرلەردەگى قۇرىلىستى ينجەنەرلىك جەلىلەردى ورنالاستىرۋعا ارنالعان جەتكىلىكتى ءدالىزدىڭ (تار كوشەلەر) بولماۋى سەكىلدى قيىن جاعدايلار، تاستى توپىراقتارقيىنداتادى.
ماسەلەن، ديامەترى ەكى مەترلىك ولشەمگە جەتەتىن جەردەگى ءىرى تاستار كوپ بولۋى ناۋرىزباي اۋدانىنىڭ اقجار شاعىن اۋدانىندا سۋ قۇبىرى مەن كارىز قۇرىلىسىنىڭ بارىسىن قيىنداتتى. ناۋرىزباي اۋدانىنداعى توپىراقتىڭ ۇشتەن ءبىر بولىگى قويتاستاردان تۇراتىنىن اتاپ ءوتۋ قاجەت.
ينجەنەرلىك-گەولوگيالىق جۇمىستاردىڭ ناتيجەلەرى مۇندا جاتقان 1،9-2،75 م دەڭگەيىندەگى قۇم تولتىرعىشى بار تابيعي قوسپاداعى سازدى جانە قيىرشىق تاستى توپىراقتار 30%-عا دەيىن قويتاستاردان تۇراتىنىن كورسەتەدى. جۇمىس كەزىندە توپىراقتان الىنعان قويتاستاردى شىعارۋ ءۇشىن مەردىگەردىڭ اۋىر تەحنيكانى قولدانۋىنا تۋرا كەلەدى. جەرگىلىكتى تابيعي جاعدايلار قۇرىلىسشىلاردى كۇردەلى تەحنولوگيانى قولدانا وتىرىپ، سۋ جانە كارىز قۇبىرلارىن سالۋعا ءماجبۇر ەتۋدە.
