الماتىنىڭ پەداگوگتارى 100 پايىز ۆاكتسينا الدى
ناريمان تابىنباەۆتىڭ ايتۋىنشا, بٷگٸندە الماتىدا اۋرۋ مەن ٶلٸم سانى تىم جوعارى. سوندىقتان ٶز دەنساۋلىعىڭىزبەن جاقىندارىڭىزدىڭ اماندىعى تۋرالى ويلانۋ كەرەك. سونىمەن قاتار مەگاپوليستە ەكپە پۋنكتەرٸنٸڭ كەڭ جەلٸسٸ اشىلعان.
– كٷن سايىن 15-20 مىڭعا دەيٸن ەكپە الۋعا مٷمكٸندٸك بار. ەكپەنٸڭ بٸرٸنشٸ كومپونەنتٸن 685 710 ادام, ەكٸنشٸ كومپونەنتٸن – 446 906 ادام الدى. ۇجىمدىق يممۋنيتەتتٸ قالىپتاستىرۋ ٷشٸن 1 ميلليوننان استام قالالىقتار قامتىلۋ قاجەت, – دەدٸ قدب باسشىسى.
ناريمان تابىنباەۆ مۇعالٸمدەردٸڭ بەلسەندٸلٸگٸن ايتتى. بٷگٸندە الماتىدا پەداگوگتاردىڭ 100%-ى ەكپە العان.
– جوعارى وقۋ ورىندارىندا دا وسىنداي جۇمىستار جٷرگٸزٸلۋدە. الايدا ستۋدەنتتەردٸ يممۋنداۋ ەلسٸز جٷرٸپ جاتىر. ستۋدەنتتەردٸ ۆاكتسينامەن قامتۋ جالپى ساننىڭ 28%-ىن عانا قۇرايدى. ايتا كەتسەك, ۆيرۋستىڭ جاڭا «دەلتا» شتامى جاستارعا قاۋٸپتٸ, – دەدٸ ناريمان تابىنباەۆ.
ەكپەگە قارسى قالا تۇرعىندارى بۇرىنعىشا "قاۋٸپتٸ ايماقتا" قالىپ وتىر, ولار قاۋٸپتٸ "دەلتا" كۆي شتامىن جۇقتىرۋى مٷمكٸن.
