الماتى قالاسى بويىنشا مەملەكەتتٸك كٸرٸستەر دەپارتامەنتٸ پوليتسييا باسقارماسى قىزمەتكەرلەرٸمەن بٸرلەسٸپ اۆتوكٶلٸكتەرگە سالىناتىن سالىق بويىنشا بەرەشەكتەردٸ ٶندٸرٸپ الۋ ٷشٸن "بورىشكەر" جەدەل-الدىن الۋ ٸس-شاراسىنا كٸرٸستٸ, دەپ حابارلايدى Dalanews.kz.
"جەكە سوت ورىنداۋشىلارىنىڭ قاۋلىسى شىققان بورىشكەرلەردٸڭ اۆتوكٶلٸكتەرٸ "سەرگەك" كامەرالارىنىڭ كٶمەگٸمەن انىقتالىپ, بەرەشەگٸ تولىق ٶتەلگەنگە دەيٸن ايىپپۇل تۇراعىنا قويىلادى. بٷگٸنگٸ تاڭدا كٶلٸك قۇرالدارىنا سالىناتىن سالىق بويىنشا بەرەشەك 3,7 ملرد تەڭگەنٸ قۇرايدى. بەرەشەكتٸڭ نەگٸزگٸ بٶلٸگٸ قوزعالتقىش كٶلەمٸ 4000 تەكشە سم-دەن اساتىن اۆتوكٶلٸكتەرگە تيەسٸلٸ",- دەپ ناقتىلايدى دەپارتامەنتتەگٸلەر.
رەيد كەزٸندە بەرەشەگٸنٸڭ جالپى سوماسى 1,6 ملن تەڭگەنٸ قامتيتىن 12 كٶلٸك يەلەرٸ تٶلەم جاسادى, ال توعىز كٶلٸك ايىپپۇل تۇراعىنا قويىلدى.
كٶلٸك سالىعىن تٶلەۋ بويىنشا بەرٸلگەن مەرزٸم 1 سەۋٸردە اياقتالاتىنىن ەسكە سالا كەتەلٸك.
ايتا كەتسەك, 2025 جىلدىڭ قاڭتارىندا قىرعىزستان پرەزيدەنتٸ سادىر جاپاروۆ اۆتوكٶلٸككە سالىناتىن سالىقتىڭ كٷشٸن جويۋ تۋرالى جارلىققا قول قويدى.
