الماتىدا №10 قالالىق ەمحانانىڭ ديرەكتورى گۇلنارا قاليبەكوۆا مەن “اكۆالاب” ءجشس-نىڭ وڭىرلىك ديرەكتورى مەرۋەرت بايمۇحامبەتوۆاعا قاتىستى قىلمىستىق ءىس بويىنشا سوت ۇكىمى شىقتى، دەپ حابارلايدى Dalanews.kz.
بەلگىلى جۋرناليست ميحايل كوزاچكوۆتىڭ مالىمەتىنشە، قاليبەكوۆاعا پارا الۋ بويىنشا ايىپ تاعىلعان. سونىمەن قاتار ايىپتالۋشىلار قاتارىندا اقشا بەرگەنى ءۇشىن جاۋاپقا تارتىلعان “اكۆالاب” ءجشس-نىڭ وڭىرلىك ديرەكتورى مەرۋەرت بايمۇحامبەتوۆا دا بولعان.
“گۇلنار زارقىنبەك قىزى بىلتىر كوكتەمدە باسشىلىق قىزمەتكە تاعايىندالعان. ال 2025 جىلدىڭ باسىندا ەمحانا دياگنوستيكالىق جانە زەرتحانالىق زەرتتەۋلەر جۇرگىزۋ ءۇشىن ەكى كومپانيامەن كەلىسىمشارت جاسايدى. “اكۆالاب” ج ش س جانە “OpenHealthcare Kazakhstan” ج ش س مەملەكەتتىك مەكەمە ناۋقاستارعا قىزمەت كورسەتىپ، ونىڭ اقىسىن مەملەكەتتەن تەگىن مەديسينالىق كومەكتىڭ كەپىلدەندىرىلگەن كولەمى اياسىندا الىپ وتىرعان”، — دەيدى جۋرناليست.
ونىڭ سوزىنشە، زەرتحانالار جاساعان بارلىق تالداۋ “DamuMed” ەلەكتروندى جۇيەسىندە مىندەتتى تۇردە تىركەلۋى ءتيىس. الايدا تەكسەرىس بارىسىندا جۇيەگە ەنگىزىلگەن دەرەكتەردىڭ ءبىر بولىگى شىندىققا سايكەس كەلمەيتىنى انىقتالعان: كەيبىر تالداۋلار مۇلدە جاسالماعان نەمەسە قاجەت بولماعان. وسىلايشا زاڭسىز جولمەن مەملەكەتتەن اقى الىپ وتىرعان.
“سول كەزدە ەمحانا ديرەكتورى زەرتحانا وكىلدەرىنە ۇسىنىس جاسايدى. ول قاساقانا جوعارىلاتىلعان كورسەتكىشتەرگە كوز جۇما قارايدى، ال زەرتحانالار وعان مەملەكەتتىك تاپسىرىس سوماسىنىڭ 15 پايىزىن “سىياقى” رەتىندە بەرەدى”، — دەيدى ول.
ناتيجەسىندە قاليبەكوۆا “اكۆالابتان” دا، “OpenHealthcare Kazakhstan”- نان دا قوماقتى كونۆەرتتەر الىپ وتىرعان. پارا الۋ كەزىندە قولعا ءتۇسىپ، كەيىن بايمۇحامبەتوۆامەن بىرگە سوتقا جىبەرىلدى.
“ال ەكىنشى زەرتحانانىڭ وكىلى قايدا كەتكەنى بەلگىسىز. بالكىم، ءىس بويىنشا كۋاگەر رەتىندە وتكەن شىعار”، — دەپ قوستى جۋرناليست.
سوتتا ەكى تاراپ تا ءوز كىناسىن مويىنداپ، جازا رەتىندە ايىپپۇل تاعايىنداۋدى سۇراعان.
“وسىلايشا بۇرىنعى شەنەۋنىك بيۋدجەتكە 65 ميلليون تەڭگەدەن استام قاراجات وتەيدى، ال زەرتحانانىڭ وڭىرلىك ديرەكتورى شامامەن 24 ميلليون تەڭگە تولەيدى”، — دەدى كوزاچكوۆ.
جۋرناليست ازاماتتارعا “DamuMed” جۇيەسىندەگى جەكە جازبالارىن تەكسەرىپ وتىرۋدى ەسكەرتتى.
“سىزگە دە قاجەتسىز، قىمبات تالداۋلار “تاعايىندالىپ” كەتپەسىن. كىمنىڭ جاساۋى مۇمكىن ەكەنىن ءوزىڭىز ءتۇسىنىپ وتىرعان بولارسىز”، — دەدى ول.
