الماتىداعى لاي كوشكىنى باسىپ قالعان ءۇيدىڭ استىندا قالعان ءتورت ادام ىزدەستىرىلىپ جاتىر، - دەپ حابارلايدى Dalanews.kz.
بۇل تۋرالى قالالىق تجد رەسمي وكىلى گۇلدانا نۇرىمبەتوۆا ايتتى.
"پوليسيا قىزمەتكەرلەرى وقيعا ورنىن قورشاۋعا الدى. قازىرگى ۋاقىتتا اپاتتىق-قۇتقارۋ جۇمىستارى قولمەن جۇرگىزىلىپ جاتىر. سەبەبى ۇيلەردىڭ بىرىندە 4 ادام بولۋى مۇمكىن دەگەن اقپارات ءتۇستى. ونىڭ ەكەۋى ەرەسەك ادام، ەكەۋى بالا. سوندىقتان تەحنيكالىق قاۋىپسىزدىكتى ساقتاي وتىرىپ ىزدەۋ جۇمىستارى ءجۇرىپ جاتىر"،- دەيدى گۇلدانا نۇرىمبەتوۆا.
وقيعا ورنىندا كورشى ۇيلەردەگى 13 ادام ەۆاكۋاسيالانعان.
ەستەرىڭىزگە سالا كەتەيىك، 8 اقپاندا مەدەۋ اۋدانىنىڭ "تاۋ سامالى" شاعىن اۋدانىنداعى وليمپييسكايا كوشەسى بويىندا تەحنوگەندىك سيپاتتاعى توپىراقتىڭ لايلانۋى سالدارىنان لاي كوشكىنى بولعان.
اكىمنىڭ تاپسىرماسى بويىنشا بولعان وقيعانىڭ سەبەپتەرىن تەكسەرۋ جانە لاي كوشكىنى سالدارىن جويۋ بويىنشا ارنايى توپ قۇرىلدى. ساعات 08:00-دەگى جاعداي بويىنشا ىزدەۋ-قۇتقارۋ جۇمىستارى جالعاسۋدا. بۇل جەردە جەدەل مەديسينالىق كومەك بريگادالارى بار.
