Almatydaǵy lai kóshkini basyp qalǵan úidiń astynda qalǵan tórt adam izdestirilip jatyr, - dep habarlaidy Dalanews.kz.
Bul týraly qalalyq TJD resmi ókili Gúldana Nurymbetova aitty.
"Politsiia qyzmetkerleri oqiǵa ornyn qorshaýǵa aldy. Qazirgi ýaqytta apattyq-qutqarý jumystary qolmen júrgizilip jatyr. Sebebi úilerdiń birinde 4 adam bolýy múmkin degen aqparat tústi. Onyń ekeýi eresek adam, ekeýi bala. Sondyqtan tehnikalyq qaýipsizdikti saqtai otyryp izdeý jumystary júrip jatyr",- deidi Gúldana Nurymbetova.
Oqiǵa ornynda kórshi úilerdegi 13 adam evakýatsiialanǵan.
Esterińizge sala keteiik, 8 aqpanda Medeý aýdanynyń "Taý Samaly" shaǵyn aýdanyndaǵy Olimpiiskaia kóshesi boiynda tehnogendik sipattaǵy topyraqtyń lailanýy saldarynan lai kóshkini bolǵan.
Ákimniń tapsyrmasy boiynsha bolǵan oqiǵanyń sebepterin tekserý jáne lai kóshkini saldaryn joiý boiynsha arnaiy top quryldy. Saǵat 08:00-degi jaǵdai boiynsha izdeý-qutqarý jumystary jalǵasýda. Bul jerde jedel meditsinalyq kómek brigadalary bar.
