الماتىنىڭ مەملەكەتتٸك اكتيۆتەر باسقارماسى بۇرىنعى بالاباقشا عيماراتتارى مەن كومبيناتتىڭ بٸر عيماراتىن قالانىڭ مەنشٸگٸنە قايتارماق. بۇل تۋرالى الماتى قالاسىنىڭ مەملەكەتتٸك اكتيۆتەر باسقارما باسشىسىنىڭ ورىنباسارى جانتٶرە ايتجانوۆ مەلٸمدەدٸ,- دەپ حابارلايدى Dalanews.kz
جانتٶرە ايتجانوۆتىڭ ايتۋىنشا, جالعا الۋ شارتىنىڭ باسىم بٶلٸگٸ بۇزىلىپ, قازٸر تاراپتاردىڭ ەكٸ نىساندى قايتارۋ ٷشٸن سوتتاسىپ جاتقانى مەلٸم بولدى.
2002 جىلدان باستاپ 11 جەكە مەنشٸك پەن ارناۋلى ورتا بٸلٸم بەرۋ مەكەمەسٸنە, اتاپ ايتقاندا «اق نيەت», «ەلكو», «ليدەر», «اراي», «ماگيستر», «سەنٸم», «كەسٸپكەرلەر مەكتەبٸ», «كٶگٸلدٸر جەلكەن», «تەرەموك», «ايگەرٸم» مەن الماتى مەنەدجمەنت جەنە سەرۆيس كوللەدجٸنە 10 بالاباقشا مەن بٸر كومبينات عيماراتى جالعا بەرٸلگەن.
2020 جىلدىڭ مامىر ايىندا الماتى قالاسىنىڭ ەكٸمٸ باقىتجان ساعىنتاەۆ جەكە ۇيىمدارمەن جاسالعان مٷلٸكتٸ جالعا بەرۋ شارتتارىن كەزەڭ-كەزەڭٸمەن بۇزۋ تۋرالى شەشٸم قابىلداعان. بۇل شەشٸم مەكتەپكە دەيٸنگٸ جاڭا ۇيىمداردى قۇرۋ ٷشٸن قابىلدانعان بولاتىن. ەندٸ وسى وقۋ ورىندارىمەن جاسالعان بارلىق جالعا الۋ شارتى قايتا بۇزىلدى.
2023 جىلدىڭ ماۋسىم ايىندا «اراي» مەن «سەنٸم» مەكەمەسٸنە نىسانداردى قايتارۋ تۋرالى رەسمي حابارلاما جولدانىپ, شٸلدە ايىندا اراداعى جالعا الۋ شارتى بۇزىلعانىمەن, ولار نىساندى بوساتۋدان باس تارتقان ەدٸ. وسىعان بايلانىستى الماتى قالاسىنىڭ مەملەكەتتٸك اكتيۆتەر باسقارماسى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا تالاپ ارىز بەرٸپ, سوت تالاپتى قاناعاتتاندىردى.
سوتتىڭ شەشٸمٸنە قاراماستان, «اراي» مەن «سەنٸم» مەكەمەسٸنٸڭ قىزمەتكەرلەرٸ بۇل نىسانداردا ەلٸ وتىر. الماتىداعى ەدٸلەت دەپارتامەنتٸنە ولاردى مەجبٷرلەپ شىعارۋ ماتەريالى تاپسىرىلدى. «اراي» مەكەمەسٸ عيماراتتى 2025 جىلعى 1 قىركٷيەككە دەيٸن بوساتۋدى كەيٸنگە شەگەرۋٸن سۇراعانىمەن, 3 شٸلدەدە ٶتكەن سوت وعان كەلٸسكەن جوق.
قۇقىقتىق رەسٸم اياسىندا 2025 جىلعى 14 پەن 15 شٸلدەدە الماتى قالاسىنىڭ ەدٸلەت دەپارتامەنتٸ جاڭاعى مەكەمەلەردٸ نىساننان شىعارا باستاماق.
اتالعان نىسانداردى كوممۋنالدىق مەنشٸككە قايتارۋ مەن ولاردى قۇرىلىس-جٶندەۋ جۇمىسىنا دايارلاۋ بارىسى زاڭ شەڭبەرٸندە ٸسكە استى.
