الماتىدا ەلىمىزدەگى بيزنەس سۋبەكتىلەرىنىڭ بسىم بولىگى – 116 مىڭنان استامى تىركەلگەن جانە جۇمىس جاساۋدا. بۇگىندە شوب قىزمپەتكەرلەرىنىڭ 88،8%-ى ءمامس جۇيەسىندەگى دەرەكتەرىن وزەكتەندىردى. مالىمەتتەر بازاسىندا كاسىپكەرلىك سۋبەكتىلەرىن ناقتىلاۋ بويىنشا جۇمىس 2021 جىلدىڭ ءۇشىنشى توقسانىنىڭ سوڭىنا دەيىن جالعاسادى.
جوعارى وقۋ ورىندارى مەن كوللەدجدەردىڭ 15 جەڭىلدىك ساناتىنا ەنەتىنى ستۋدەنتتەرىن مىندەتتى الەۋمەتتىك مەديسينالىق ساقتاندىرۋمەن قامتۋ ماسەلەسىنە ەرەكشە نازار اۋدارىلدى ءارى ولاردىڭ جارنالارىن مەملەكەت تولەيدى. مەديسينالىق ساقتاندىرۋ قورى الماتى فيليالىنىڭ ديرەكتورى تىلەۋحان ابىلدايەۆتىڭ ايتۋىنشا، جەڭىلدىك ساناتىنا ورتا، تەحنيكالىق جانە كاسىپتىك، ورتا بىلىمنەن كەيىنگى، جوعارى ءبىلىم بەرۋ ۇيىمدارىندا، سونداي-اق جوعارى وقۋ ورنىنان كەيىنگى ءبىلىم بەرۋ ۇيىمدارىندا كۇندىزگى بولىمدە وقيتىندار ۇمىتكەر بولا الادى.
– قور جەڭىلدىك ساناتتارىنىڭ تىزىمدەرىن جاسامايتىنىن تۇسىنگەن ءجون. 15 جەڭىلدىك ساناتىنداعى وكىلدەردىڭ تىزىمدەرىن قورعا ۋاكىلەتتى ورگاندار اقپاراتتىق جۇيەلەر ارقىلى جىبەرەدى. سودان كەيىن ولار جەڭىلدىك بەرۋ كەزەڭىندە اۆتوماتتى تۇردە ساقتاندىرىلادى، – دەدى ديرەكتور.
بولاشاقتا مەديسينالىق كومەك الۋ كەزىندە پروبلەمالارعا تاپ بولماۋ ءۇشىن ستۋدەنتتەر ءمامس جۇيەسىندەگى مارتەبەسىن Qoldau 24/7 قوسىمشاسى، Saqtandyry جەدەلحات بوتى جانە fms.kz سايتى ارقىلى تەكسەرۋلەرى ءتيىس. ساقتاندىرۋ مارتەبەسى بولماعان جاعدايدا، ستۋدەنتتەر ۇببب (ۇلتتىق ءبىلىم بەرۋ بازاسى) اقپاراتتىق جۇيەسىنە مالىمەتتەردى ەنگىزۋ ءۇشىن وزدەرىنىڭ وقۋ ورىندارىنا جۇگىنۋلەرى كەرەك. سودان سوڭ ولار كۇندىزگى وقۋدىڭ بارلىق كەزەڭىندە ساقتاندىرىلادى. ەگەر ستۋدەنتتەر ساقتاندىرىلماعان ءارى شۇعىل مەديسينالىق قىزمەتكە مۇقتاج بولسا، وندا ولار وقيتىن جەرىنەن انىقتامانى قوسا وتىرىپ، 24/7 Qoldau قوسىمشاسى ارقىلى ءوتىنىش جىبەرۋى كەرەك. مۇنداي جاعدايلاردا قور ۋاقىتشا ساقتاندىرۋ مارتەبەسىن ءبىر ايعا ساقتاندىرا الادى.
كەڭەستە قالالىق قوعامدىق دەنساۋلىق، ءبىلىم، الەۋمەتتىك دامۋ، كاسىپكەرلىك جانە ينۆەستيسيالار باسقارمالارىنىڭ جانە اۋداندار اكىمدىكتەرىنىڭ باسشىلارى تىڭدالدى. كەزدەسۋگە قاتىسۋشىلار اتالعان ستۋدەنتتەردىڭ ۇلتتىق دەڭگەيدەگى ينتەگراسياسى جانە ولاردىڭ ءمامس مالىمەتتەر بازاسىنداعى مارتەبەسى تۋرالى ۇسىنىستارىن ايتتى.
كەزدەسۋدى قورىتىندىلاي كەلە، ءمامس ماسەلەلەرى جونىندەگى ايماقتىق شتابتىڭ ءتوراعاسى، الماتى قالاسى اكىمىنىڭ ورىنباسارى ەرجان باباقۇماروۆ الەمدە بولىپ جاتقان پاندەميا مەن جاڭا مۋتاسيالانعان شتامداردىڭ اينالىمى اياسىندا حالىقتى ءمامس جۇيەسىمەن قامتۋ دەنساۋلىق ساقتاۋ جۇيەسىنىڭ ستراتەگيالىق ماڭىزدى فاكتورى ەكەنىن اتاپ ءوتتى. سوندىقتان اۋدان اكىمدىكتەرىنە قوسىمشا شارالار قابىلداۋ ءۇشىن ءبىرقاتار ناقتى تاپسىرمالار بەرىلدى. قوعامدىق دەنساۋلىق ساقتاۋ باسقارماسى تۇرعىندارمەن، اسىرەسە امسك پۋنكتتەرىندە ازاماتتاردى ەمحانالارعا تاعايىنداۋ بويىنشا ءتۇسىندىرۋ جۇمىستارىن كۇشەيتۋى كەرەك. سونداي-اق، جوعارى وقۋ ورىندارى مەن كوللەدجدەردىڭ باسشىلارىنا ءوز ستۋدەنتتەرى تۋرالى دەرەكتەردى ۇببب جۇيەسىندە تەكسەرۋدى ۇسىندى.
مەديسينالىق ساقتاندىرۋ قورىنىڭ ءتوراعاسى بولات توكەجانوۆ اتاپ وتكەندەي، بۇكىل ەل بويىنشا ايماقتىق شتابتار اۋقىمدى جۇمىستاردى اتقارۋدا.
– حالىقتى مىندەتتى مەديسينالىق ساقتاندىرۋ جۇيەسىمەن قامتۋ جۇمىستارى جالعاسۋدا. 2021 جىلدىڭ 1 ساۋىرىندەگى جاعداي بويىنشا ەل تۇرعىندارىنىڭ 84،4%-ى ساقتاندىرىلعان. ءبىراق 2،9 ميلليون ادام مىندەتتى الەۋمەتتىك مەديسينالىق ساقتاندىرۋ جۇيەسىنەن تىس قالۋدا. ولاردىڭ بارلىعىنىڭ مەديسينالىق قىزمەتتەرگە قولجەتكىزۋلەرى وتە ماڭىزدى، – دەپ اتاپ ءوتتى بولات توكەجانوۆ.
