وتەۋلى قىزمەت كورسەتۋ شارتى بويىنشا 1 كەزەڭنىڭ ساناق پەرسونالىن ىرىكتەۋ تۋرالى كونكۋرس جاريالانادى. كەزەكتى حالىق ساناعىن جۇرگىزۋگە 48 نۇسقاۋشى-باقىلاۋشى مەن 618 تىركەۋشىلەر قاجەت.
نۇسقاۋشىلار 2021 جىلعى مامىر-شىلدە ارالىعىندا ەڭبەك ەتسە، تىركەۋشىلەر 2021 جىلعى 01 ماۋسىمنان باستاپ 30 ماۋسىمعا دەيىن جۇمىس اتقارادى. وسى ۋاقىت ارالىعىنا ولاردىڭ لاۋازىمدىق جالاقىسى سايكەسىنشە 125 000 تەڭگە مەن 83 000 مىڭ تەڭگەنى قۇرايدى.
قىزمەتكە ۇمىتكەردىڭ كاسىپتىك ءبىلىم دەڭگەيىنە قويىلاتىن تالاپتار: جوعارى، تەحنيكالىق جانە كاسىپتىك، ورتا بىلىمنەن كەيىنگى، جالپى ورتا ءبىلىم.
جۇمىس ءوتىلى بويىنشا تالاپتاردى قويىلمايدى. ال جەكە قۇزىرەتتەرىنە قويىلاتىن تالاپتار: تالدامالىق پايىمداۋ، ىقپال ەتۋ، كوماندادا جۇمىس ىستەۋ، قارىم-قاتىناس قۇرۋ، اۋىزشا جانە جازباشا كوممۋنيكاسيا، جاۋاپكەرشىلىك، ادەپتىلىك نورمالارىن ۇستانۋ، ادىستەمەنى يگەرۋ، نورماتيۆتىلىك، ناتيجەگە باعدارلانۋ كىرەدى.
انىقتاما الۋ ءۇشىن ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ الماتى قالاسى بويىنشا دەپارتامەنتىنە جۇگىنۋ كەرەك، مەكەنجاي: اباي داڭعىلى، 125، 050008، تەلەفون – 8 (727) 330-89-16، 8 (727) 375-21-88، ەلەكتروندى پوشتا – almatystat@mail.ru.
