جينالعاندار قازا بولعانداردىڭ رۋحىنا ارناپ قۇران باعىشتاپ، جەتى شەلپەك تاراتتى. Ulysmedia.kz ءتىلشىسى دە سوندا. الاڭنىڭ اينالاسىندا پوليسيا قىزمەتكەرلەرى بايقالمايدى.
2022 جىلدىڭ 2 قاڭتارىندا جاڭاوزەندە سۇيىتىلعان گاز باعاسىنىڭ كوتەرىلۋىنە قارسىلىقتان باستاۋ العان جاپپاي نارازىلىق بىرەر كۇندە قازاقستاننىڭ بارلىق ءوڭىرىن قامتىعان ەدى. بىرنەشە قالادا نارازىلىقتىڭ اياعى قانتوگىسكە ۇلاسقان. رەسمي مالىمەت بويىنشا، 238 ادام كوز جۇمدى (ونىڭ ىشىندە كۇش قۇرىلىمدارىنىڭ 19 قىزمەتكەرى بار). التى ادام تۇرمەدە ازاپتاۋدان كوز جۇمعان.
قازاقستاندا قاڭتار وقيعاسىنا بايلانىستى مىڭداعان ادام ۇستالىپ، جۇزدەگەن ادامعا «تەرروريزم»، «جاپپاي تارتىپسىزدىكتى ۇيىمداستىرۋ»، «قارۋ-جاراق ساقتاۋ» سىندى ايىپتار تاعىلدى. ۇستالعانداردىڭ دەنى تەرگەۋ كەزىندە ازاپتالعانىن مالىمدەگەن. كەيىن ۇستالعان، سوتتالعانداردىڭ كوبىنە راقىمشىلىق جاسالعان.