الماتىدا قيسايعان ٷيدٸڭ تۇرعىندارى جاڭا پەتەردٸ الا الماۋدا
82 جاستاعى زەينەتكەردٸڭ ايتۋىنشا, پەتەر يەلەرٸنە جەلتوقساننىڭ ورتاسىندا جەنە 2017 جىلدىڭ 1 ناۋرىزىندا جاڭا باسپانا بەرٸلەتٸنٸ ايتىلعان.
– كەشە, 1 ناۋرىزدا قيسايىپ قالعان ٷيدٸڭ ماڭىندا جينالىس بولدى. سول جاققا الاتاۋ اۋدانىنىڭ ەكٸمٸ, ونىڭ ورىنباسارى, «استانا قۇرىلىس» فيرماسىنىڭ پرەزيدەنتٸ جەنە بٸز, پەتەر يەلەرٸ باردىق. جاڭادان سالىنعان ٷي جەكە دەپ, سوندىقتان ەسكٸ ٷيگە ايىرباستاپ بەرە المايتىندارىن ايتتى. ال بٸز قيسايىپ قالعان ٷيٸمٸزدٸ مەملەكەتتٸك باعدارلامامەن العانبىز. قۇرىلىس كومپانيياسىنداعىلار قازٸر بٸز تۇرىپ جاتقان ٷيدٸڭ ناۋرىز ايىنىڭ جالعا الۋ قۇنىن تٶلەپ قويعانىن ايتتى. بٸراق جيىندا اۋدان ەكٸمٸ كومپانييا پرەزيدەنتٸنە ەكٸ اپتا ۋاقىت بەردٸ. كومپانييا باسشىسى وسى مەرزٸم ٸشٸندە قانشا تۇرعىننىڭ قيسايعان ٷيدە قالاتىنىن جەنە قانشا تۇرعىننىڭ جاڭا ٷيگە كٶشەتٸنٸن انىقتاۋى قاجەت, – دەدٸ كٷلەش ابىلاەۆا.
ابىلاەۆا پەتەرٸن مەملەكەتتٸك باعدارلاما ارقىلى 14 جىل بويى كەزەكتە تۇرعاننان كەيٸن العانىن ايتتى. 2015 جىلدىڭ قىركٷيەگٸندە ولار العاباس ىقشاماۋدانىنداعى پەتەرگە كٶشٸپ كەلگەن, ال توعىز ايدان كەيٸن ٷي قيسايىپ, ولار كٶشٸپ كەتۋگە مەجبٷر بولعان.
باستاپقىدا ولارعا ارنالىپ سالىناتىن جاڭا ٷيگە التى اي ٸشٸندە كٶشٸرۋگە ۋەدە بەرٸلگەن ەكەن. «الايدا سول كٷننەن بەرٸ 10 اي ٶتتٸ. ەلٸ كٷنگە دەيٸن كٶشٸپ بارا الماي وتىرمىز, ٶتە قيىن. دالا كەزٸپ جٷرمٸز. كٶزٸم ناشار كٶرەدٸ, 4 سەۋٸردە وتا جاساتامىن. قوزعالۋىم قيىن, نەمەرەممەن جەنە كەنجە قىزىممەن بٸرگە تۇرىپ جاتىرمىن. ٷيدە بەس بالاسى بار», – دەدٸ ەگدە جاستاعى ەيەل.
الاتاۋ اۋدانىنىڭ ەكٸمٸ وسى جاعدايعا بايلانىستى پٸكٸر بٸلدٸردٸ. باعدات مانزوروۆتىڭ ايتۋىنشا, العاباستاعى كٶپقاباتتى ٷيدٸڭ تۇرعىندارىنا جاڭا ٷي سالىنىپ قويعان جەنە پايدالانۋعا بەرٸلگەن. الايدا سول ٷيگە تۇرعىنداردى كٶشٸرۋ زاڭ تۇرعىسىندا مٷمكٸن بولماي وتىر.
– بٸز قازٸر قۇرىلىس كومپانيياسىمەن جۇمىس ٸستەپ جاتىرمىز, ولار ادامداردى جاڭا ٷيگە تەزٸرەك كٶشٸرۋٸ كەرەك. كەيبٸر تۇرعىندار قيسايىپ قالعان ٷيگە كٶشٸپ بارعىسى كەلەدٸ. ول تولىقتاي جٶندەلدٸ, سەيسميكالىق جاعىنان جارامدى دەگەن قۇجات تا بار. مۇندا مەسەلە مىنادا – ەگەر وسى قيسايىپ قالعان ٷي اپات جاعدايىندا بولسا, تۇرعىندارى سول جاقتاعى باسقا ٷيگە ەش قيىندىقسىز كٶشٸپ بارا الار ەدٸ. بٸراق قيسايعان ٷي اپات جاعدايىندا ەمەس بولعاندىقتان, تۇرعىندار پەتەرٸن تەك سوتتىڭ شەشٸمٸمەن الماستىرا الادى. بٸز, ەكٸمدٸك پەتەرلەرٸن ٶز بەتٸمٸزبەن اۋىستىرىپ بەرە المايمىز. قيسايىپ قالعان ٷي مەملەكەتتٸڭ مٷلكٸ, ال جاڭا سالىنعان ٷي «استانا قۇرىلىس» دەگەن جەكە كومپانييانىڭ ٷيٸ. وسىنداي قيىندىقتار پايدا بولدى. كەيبٸر تۇرعىندار ەسكٸ ٷيدە قالا بەرگٸسٸ كەلەدٸ, كەيبٸرٸ كٶشكٸسٸ كەلەدٸ. قازٸر ناقتى سانىن انىقتاپ جاتىرمىز, – دەدٸ مانزوروۆ.
