باسقارما باسشىسىنىڭ ايتۋىنشا، «نۇرلى جەر» باعدارلاماسىنىڭ ارقاسىندا بيىل قالاداعى جۇزدەگەن وتباسى وزدەرىنىڭ جەكە شارشى مەترلى باسپانالارىن الاتىن بولادى.
ساپار نۇراشيەۆ «نۇرلى جەر» باعدارلاماسى تۇرعىنداردىڭ تۇرعىن ۇيگە قولجەتىمدىلىگىن ارتتىرۋدىڭ جاڭا تاسىلدەرىن دامىتۋعا باعىتتالعانىن باسا ايتتى. 2021 جىلى ونى جۇزەگە اسىرۋعا 40 ملرد تەڭگە ءبولىندى.
بيىل قولجەتىمدى تۇرعىن ۇيلەردىڭ اۋقىمدى قۇرىلىسى جالعاسۋدا. مەملەكەتتىك باعدارلاما اياسىندا الماتى قالاسىندا اعىمداعى جىلى جالپى اۋدانى 248،5 مىڭ شارشى مەتر بولاتىن نەمەسە 3 937 پاتەرلى قولجەتىمدى تۇرعىن ءۇيدى پايدالانۋعا بەرۋ جوسپارلانۋدا.
ونىڭ ىشىندە 1 889 پاتەر تۇرعىن ءۇي ساتىپ الۋ قۇقىعىنسىز جالعا بەرىلەدى جانە 2 048 پاتەر بانك سالىمشىلارى مەن جەرگىلىكتى اتقارۋشى ورگانداردىڭ كەزەگىندە تۇرعاندار ءۇشىن نەسيەلىك تۇرعىن ۇيگە ارنالعان.
– ءبىرىنشى جارتىجىلدىقتا الماتىدا ناۋرىزباي اۋدانىنىڭ «الما سيتي-5» تۇرعىن ءۇي كەشەنىندە 38 ءۇيدىڭ قۇرىلىسى اياقتالدى. بۇل الاتاۋ اۋدانىنىڭ مادەنيەت شاعىن اۋدانىنداعى 1 110 پاتەر نەمەسە 239،29 مىڭ م2 جانە ءتورت ءۇي، بۇل 144 پاتەر نەمەسە 12،66 مىڭ م2، – دەدى س. نۇراشيەۆ.
ءبىرىنشى جارتىجىلدىقتىڭ قورىتىندىسى بويىنشا 1254 پاتەرلى نەمەسە 82،37 مىڭ شارشى مەتر 44 ءۇي پايدالانۋعا بەرىلدى.
سونىمەن قاتار، تۇركسىب اۋدانىندا وتكەن جىلدىڭ سوڭىندا «جاس قانات-2» شاعىن اۋدانىن دامىتۋ باستالدى، ەگجەي-تەگجەيلى جوسپارلاۋ جوباسى توعىز قاباتتى 41 ءۇيدىڭ قۇرىلىسىن قاراستىرادى، ونىڭ ىشىندە 35 ۇيدە قۇرىلىس جۇمىستارى باستالدى.
سونىمەن قاتار، مۇندا 1 500 بالاعا ارنالعان مەكتەپ سالىنادى. قالعان التى ۇيگە كونكۋرس جاريالاندى. ولاردىڭ قۇرىلىسى بيىل باستالىپ، 2022 جىلى اياقتالادى.
جايلى قالالىق ورتا باسقارماسىنىڭ باسشىسى تۇرعىن ءۇي كەشەندەرى قۇرىلىسىنىڭ اياقتالۋى ءبىرقاتار مەملەكەتتىك باعدارلامالار اياسىندا قالالىقتاردى تۇرعىن ۇيمەن قامتاماسىز ەتەتىنىن ايتتى. 1 254 پاتەردىڭ بارلىعى نەسيەلىك باسپانا رەتىندە بەرىلەدى.
سونىمەن قاتار، بيىل تۇركسىب اۋدانىنداعى «جاس قانات» شاعىن اۋدانىندا تۇرعىن ءۇي كەشەنىنىڭ قۇرىلىسى باستالدى. 35 توعىز قاباتتى تۇرعىن ءۇي نەمەسە 2 705 پاتەر سالۋ جوسپارلانۋدا. پاتەرلەردىڭ جالپى اۋدانى 163،1 مىڭ شارشى مەتردى قۇرايدى.
– تۇرعىن ءۇي سالۋمەن قاتار ءبىلىم بەرۋ مەن دەنساۋلىق ساقتاۋدىڭ الەۋمەتتىك نىساندارىن كەشەندى دامىتۋ جۇرۋدە. قۇرىلىستى جۇرگىزۋشلەر وزدەرىنىڭ مەنشىك ۋچاسكەلەرىندە مەكتەپتەر، بالاباقشالار مەن مەديسينالىق مەكەمەلەر سالۋدى دا قاراستىرعان. كەيىننەن بۇل نىساندار قالانىڭ كوممۋنالدىق مەنشىگىنە وتەدى، ءتيىستى مەحانيزم ازىرلەنۋدە، – دەيدى ساپار نۇراشيەۆ.
باسقارما باسشىسى ناۋرىزباي اۋدانىنىڭ تاۋسامالى جانە اقجار شاعىن اۋداندارىندا ءارقايسىسى 120 ورىندى ەكى بالاباقشا سالىنعانىن اتاپ ءوتتى. سونداي-اق، الەۋمەتتىك قىزمەتتەر ءۇيىنىڭ (دوستىق داڭعىلى، 85)، بالالاردىڭ الەۋمەتتىك بەيىمدەلۋ ورتالىعىنىڭ، №23، 71، 186 كۇندىزگى بالاباقشالاردىڭ، №81 مەكتەپتىڭ جانە №6 ەمحانانىڭ سەيسميكالىق كۇشەيتۋ جانە كۇردەلى جوندەۋ جۇمىستارى جۇرگىزىلدى.
