الماتىدا 2029 جىلعى قىسقى ازيا ويىندارىنا ارناپ جاڭا سپورت نىساندارى سالىنبايدى. بۇل تۋرالى تۋريزم جانە سپورت ۆيسە-مينيسترى سەرىك جاراسبايەۆ مالىمدەدى، دەپ حابارلايدى Dalanews.kz.
ونىڭ ايتۋىنشا، الماتىعا X قىسقى ازيا ويىندارىن وتكىزۋ قۇقىعى بەرىلەر الدىندا قالاداعى سپورت ينفراقۇرىلىمى تولىق ساراپتامادان وتكەن. ناتيجەسىندە قولدانىستاعى نىساندار حالىقارالىق تالاپتارعا ساي كەلەتىنى جانە ازيا ويىندارىنىڭ باعدارلاماسىن تولىق قامتۋعا جەتكىلىكتى ەكەنى انىقتالعان. سوندىقتان جارىستى وتكىزۋ ءۇشىن قوسىمشا جاڭا سپورت نىساندارىن سالۋ جوسپارلانباعان.
ۆيسە-مينيستردىڭ سوزىنشە، بۇل شەشىم قىسقى سپورت تۇرلەرىن ودان ءارى دامىتۋعا مۇمكىندىك بەرەدى. ال ازيا ويىندارىن وتكىزۋگە قانشا قاراجات جۇمسالاتىنى ازىرگە ناقتىلانباعان.
