Almatyda 2029 jylǵy Qysqy Aziia oiyndaryna arnap jańa sport nysandary salynbaidy. Bul týraly Týrizm jáne sport vitse-ministri Serik Jarasbaev málimdedi, dep habarlaidy Dalanews.kz.
Onyń aitýynsha, Almatyǵa X qysqy Aziia oiyndaryn ótkizý quqyǵy beriler aldynda qaladaǵy sport infraqurylymy tolyq saraptamadan ótken. Nátijesinde qoldanystaǵy nysandar halyqaralyq talaptarǵa sai keletini jáne Aziia oiyndarynyń baǵdarlamasyn tolyq qamtýǵa jetkilikti ekeni anyqtalǵan. Sondyqtan jarysty ótkizý úshin qosymsha jańa sport nysandaryn salý josparlanbaǵan.
Vitse-ministrdiń sózinshe, bul sheshim qysqy sport túrlerin odan ári damytýǵa múmkindik beredi. Al Aziia oiyndaryn ótkizýge qansha qarajat jumsalatyny ázirge naqtylanbaǵan.
