الماتىدا ەر ادام ارىققا قۇلاپ, كٶز جۇمدى. الدىن الا مەلٸمەت بويىنشا وقيعا كەزٸندە ول ماس كٷيدە بولعان, دەپ حابارلايدى Dalanews.kz.
ەلەۋمەتتٸك جەلٸلەردە ارىقتان ەر ادامنىڭ مەيٸتٸ تابىلعانى تۋرالى اقپارات تاراعان ەدٸ. جەلٸدەگٸ دەرەككە قاراعاندا, ونى سۋ اعىسى قۇبىرعا تارتىپ كەتكەن. وقيعا ورنىنا كەلگەن كوممۋنالدىق قىزمەت ٶكٸلدەرٸ بٸتەلگەن جەردٸ تازالاۋ كەزٸندە قوقىس ەمەس, ادامنىڭ مەيٸتٸن تاپقان.
پوليتسييانىڭ مەلٸمەتٸنشە, ەر ادام جاڭبىر كەزٸندە تەپە-تەڭدٸگٸن جوعالتىپ, ارىققا قۇلاعان بولۋى مٷمكٸن. اۋىر جاراقات سالدارىنان ول وقيعا ورنىندا قايتىس بولعان.
بۇل دەرەك بويىنشا قىلمىستىق ٸس قوزعالدى. قازٸر تەرگەۋ امالدارى جٷرگٸزٸلٸپ جاتىر.
ايتا كەتەيٸك, 16-17 سەۋٸر كٷندەرٸ الماتىدا نٶسەر جاۋىنعا بايلانىستى كوممۋنالدىق قىزمەتتەر كٷشەيتٸلگەن رەجيمدە جۇمىس ٸستەدٸ.
