Almatyda er adam aryqqa qulap, kóz jumdy. Aldyn ala málimet boiynsha oqiǵa kezinde ol mas kúide bolǵan, dep habarlaidy Dalanews.kz.
Áleýmettik jelilerde aryqtan er adamnyń máiiti tabylǵany týraly aqparat taraǵan edi. Jelidegi derekke qaraǵanda, ony sý aǵysy qubyrǵa tartyp ketken. Oqiǵa ornyna kelgen kommýnaldyq qyzmet ókilderi bitelgen jerdi tazalaý kezinde qoqys emes, adamnyń máiitin tapqan.
Politsiianyń málimetinshe, er adam jańbyr kezinde tepe-teńdigin joǵaltyp, aryqqa qulaǵan bolýy múmkin. Aýyr jaraqat saldarynan ol oqiǵa ornynda qaitys bolǵan.
Bul derek boiynsha qylmystyq is qozǵaldy. Qazir tergeý amaldary júrgizilip jatyr.
Aita keteiik, 16-17 sáýir kúnderi Almatyda nóser jaýynǵa bailanysty kommýnaldyq qyzmetter kúsheitilgen rejimde jumys istedi.
