بۇگىندە كوۆيدتىك ستاسيونارلاردا 6 602 ادام جاتىر، ونىڭ 182ء-سى بالالار. 300-گە جۋىق ناۋقاستىڭ جاعدايى وتە اۋىر، تاعى 464ء-ى رەانيماسيادا، 2511ء-ىنىڭ ءحالى ناشار.
سوڭعى ەكى اپتاداعى جاس قۇرامىنا تالداۋ كورسەتكەندەي، بۇرىنعىداي 20-39 جاس ارالىعىنداعى حالىقتىڭ بەلسەندى توپتارى اراسىندا دەرتتىڭ جوعارى ەكەنى تىركەلگەن – 33،5%، 40-59 جاس اراسىندا – 25،2%، 60 جاستان اسقاندار اراسىندا – 23، 1%. قالعان 18% – بالالار مەن جاسوسپىرىمدەر.
كوروناۆيرۋستىڭ تارالۋىنا اسەر ەتەتىن فاكتورلار – تۋىستارمەن، دوستارمەن جانە جۇمىستاعى بايلانىستار. بۇگىندە الماتىدا كۆي ينفەكسياسىن جۇقتىراتىن بەس ورىن انىقتالعان، ولار مىنالار: ساۋدا وبەكتىلەرى – 32%، وتباسىلىق بايلانىس – 16%، قوعامدىق كولىكتەر – 17،1%، بازارلار – 13%.
بۇقارالىق ءىس-شارالاردى وتكىزۋگە تىيىم سالىنعانىنا قاراماستان، قۇقىق بۇزۋشىلىق ازايماي وتىر. كەيبىر الماتى تۇرعىندارى بارلىق تالاپتاردى ەلەمەي، ءتۇرلى مەرەكەلەر ۇيىمداستىرىپ، بۇقارالىق شارالار وتكىزەدى. وسىلايشا، قالا تۇرعىندارى وزدەرىنىڭ دەنساۋلىعىنا عانا ەمەس، جاقىندارىنىڭ دەنساۋلىعىنا دا ءقاۋىپ توندىرۋدە.
امبۋلاتورلىق ەمدەلەتىن ناۋقاستاردىڭ ءوزىن-وزى وقشاۋلاۋىنا ەرەكشە نازار اۋدارۋ قاجەت. دەرت جۇقتىرعان 143 030 ناۋقاس ءموبيلدى بريگادا مەن تەلەمەديسينا ورتالىعىنىڭ باقىلاۋىندا. ونىڭ 13 769-ى جەڭىل جانە ورتاشا اۋىرلىقتا، 534ء-ى سيمپتومسىز. بۇل رەتتە 8735 ناۋقاس ەرەسەك تۇرعىندار، 60 جاستان اسقاندار – 2952 ادام، بالالار – 2616.
Ashyq جوباسى بويىنشا ادامدار كوپ شوعىرلاناتىن ورىندارداعى ناۋقاستاردى انىقتاۋ جالعاسۋدا. 6-11 تامىز ارالىعىندا Ashyq جوباسى ارقىلى جۇمىس ىستەيتىن كاسىپكەرلىك وبەكتىلەردىڭ كىرەبەرىسىندە سكانەرلەۋ ناتيجەسىندە 1335 تۇرعىننىڭ قىزىل، 100ء-ى سارى مارتەبەلەرى راستالدى.
اتاپ ايتقاندا، ساۋدا جانە ويىن-ساۋىق ورتالىقتارىنا بارعان كەزدە قىزىل مارتەبەلى – 269، سارى مارتەبەلى 31 تۇرعىن انىقتالدى. بازارلاردا قىزىل – 146، 12 سارى مارتەبەلى ادامدار راستالدى. قوعامدىق تاماقتانۋ ورىندارىنا قىزىل مارتەبەلى – 293، سارى مارتەبەلى 22 ادام كەلگەن.
6-20 تامىز ارالىعىندا قىزىل مارتەبەلى 156 ادامعا ءوزىن-وزى وقشاۋلاۋ رەجيمىن بۇزعانى ءۇشىن 30 اەك مولشەرىندە ايىپپۇل سالىندى.
الماتى قالاسىندا 27 ءساۋىر مەن 20 تامىز ارالىعىندا قىزىل مارتەبەلى 543 جەكە تۇلعاعا ءوزىن وقشاۋلاۋ رەجيمىن بۇزعانى ءۇشىن 30 اەك مولشەرىندە ايىپپۇل سالىندى.
